நடிகர் அஜித்தின் தந்தை காலமானார் - திரையுலகினர் இரங்கல்!

அஜித் குமாரின் தந்தை பி. சுப்பிரமணியமுக்கு கடந்த நான்கு ஆண்டுகளுக்கு முன்பு பக்கவாதம் ஏற்பட்ட நிலையில் அவர் இன்று காலை உயிரிழந்தார்.

நடிகர் அஜித்தின் தந்தை காலமானார் - திரையுலகினர் இரங்கல்Twitter

Published on:

24 Mar 2023, 4:26 am

தமிழ் சினிமாவின் உச்சநட்சத்திரமாக வலம் வருபவர் நடிகர் அஜித்குமார். இவரின் தந்தை சுப்ரமணியன் நீண்ட நாட்களாக உடல் நலக்குறைவு காரணமாக சிகிச்சை பெற்று வந்துள்ளார்.

இவருக்கு பக்கவாதம் என்பதால் வீட்டில் சிகிச்சை அளிக்கப்பட்டு வந்தது. இந்த நிலையில், அஜித்குமாரின் தந்தை சுப்ரமணியம் சென்னையில் உள்ள வீட்டில் இன்று காலமானார்.

அவருக்கு வயது (86). மறைந்த சுப்ரமணியத்தின் இறுதிச்சடங்கு பெசன்ட் நகரில் உள்ள மயானத்தில் இன்று நடைபெற உள்ளதாக கூறப்படுகிறது.

நடிகர் அஜித்குமாரின் தந்தை பி. சுப்ரமணியம் இறந்த செய்தி அறிந்த திரையுலக பிரபலங்களும், ரசிகர்களும் சமூக வலைதளங்களில் தங்களின் ஆழ்ந்த இரங்கலை தெரிவித்து வருகின்றனர்.