ஆஸ்கர் நிகழ்ச்சியில் ஆடை இல்லாமல் தோன்றிய ஜான் சீனா!

ஆடை இல்லாமல் தோன்ற கூச்சப்பட்டவராக ஜான் சீனா அட்டையை வைத்து மறைத்துக்கொண்டு மைக் அருகில் வந்தார். அவர் நிகழ்ச்சி தொகுப்பாளருடன் உரையாடும் போது "ஆணின் நிர்வாண உடல் ஒன்றும் நகைச்சுவை அல்ல" என்றார்.

ஆஸ்கர் நிகழ்ச்சியில் ஆடை இல்லாமல் தோன்றிய ஜான் சீனா!Twitter

முன்னாள் WWE வீரரும் ஹாலிவுட் நடிகருமான ஜான் சீனா ஆஸ்கர் மேடையில் ஆடை இல்லாமல் பங்கேற்றது சர்ச்சையை ஏற்படுத்தியிருக்கிறது.

2024ம் ஆண்டுக்கான அகாடமி அவார்ட்ஸ் வழங்கும் விழா இன்று நடைபெற்றது. இதில் சிறந்த ஆடை வடிவமைப்பாளருக்கான விருதை அறிவிக்க ஜான் சீனா நிர்வாணமாக மேடைக்கு வந்தார்.

ஜான் சீனா WWE காலத்தில் இருந்தே நகைச்சுவை உணர்வு மிகுந்தவர் என்பது நமக்குத் தெரியும். இப்போது ஹாலிவுட் படங்களிலும் ஜான் சீனா நகைச்சுவை நடிகராகவே திகழ்கிறார். இருந்தாலும் அவரது நகைச்சுவைகள் இந்த அளவு செல்லும் என யாரும் நினைத்திருக்கவில்லை.

ஜான் சீனா விருது அறிவித்த பின்னர் விழா பணியாளர்கள் அவருக்கு ஒரு துணியை சுற்றிவிட்டனர்.