"என் பாலியல் வாழ்க்கை அவ்வளவு சுவாரஸ்யமானது அல்ல" - நடிகை டாப்ஸி கூறியது ஏன்?

சமீபத்தில் பல சர்ச்சைகளை உருவாக்கிய நிகழ்ச்சி தான் "காஃபி வித் கரண்". இந்த நிகழ்ச்சி ஏற்கெனவே பிறரின் பாலியல் வாழ்க்கை குறித்து அதிகம் பேசப்படுவதாக நெட்டிசன்களால் குறைசொல்லப்பட்டு வருவது குறிப்பிடத்தக்கது.

டாப்ஸிTwitter

Published on:

08 Aug 2022, 4:45 am

நடிகை டாப்ஸி மிகவும் துணிச்சலான கதாப்பாத்திரங்களை ஏற்று நடிக்கக் கூடியவர். பெண் மைய கதாப்பாத்திரங்களை அதிகம் தேர்வு செய்பவர் என்றாலும் கமர்ஷியல் ஹீரோயினாகவும் முன்னணியில் இருக்கிறார்.

டாப்ஸி தற்போது வட இந்திய படங்களுக்கு அதிக முக்கியத்துவம் அளித்து வருகிறார். அவர் நடிப்பில் அனுராக் கஷ்யப் இயக்கிய தபாரா திரைப்படம் வரும் 19ம் தேதி வெளியாக இருக்கிறது.

தபாரா படத்தின் புரமோஷன் ஒன்றில் ஒரு நிகழ்ச்சியில் கலந்து கொள்வது குறித்து தன்னிடம் கேட்கப்பட்ட கேள்விக்கு, "என்னுடைய பாலியல் வாழ்க்கை அவ்வளவு சுராஸ்யமானது அல்ல" என பதிலளித்திருக்கிறார் டாப்ஸி.

கரண் ஜோகர் என்ற பாலிவுட் இயக்குநர் இந்த நிகழ்ச்சியை தொகுத்து வழங்குகிறார் அதிகமாக பாலிவுட் நடிகர், நடிகைகள் கலந்துகொள்ளும் இந்த நிகழ்ச்சியில் சமந்தா, விஜய் தேவரகொண்டா என தென்னிந்திய நட்சத்திரங்களும் கலந்து கொண்டிருக்கின்றனர்.

கரண் ஏற்கெனவே கரீன கபூரிடம் குழந்தை பிறந்த பிறகான தாம்பத்தியம் பற்றியும், விஜய் தேவரகொண்டாவிடம் மூன்று பேர் பாலுறவு பற்றியும் கேள்விகள் கேட்டது நெட்டிசன்களை கொதிப்படையச் செய்தது.

இவரது நிகழ்ச்சி முழுக்க முழுக்க பாலுறவு குறித்தே இருக்கிறது என்றும் குறை கூறப்படுவதுண்டு.

நாக சைதன்யா குறித்த கேள்விக்கு சமந்தா பதில் : ”கூர்மையான பொருட்களை மறைத்து வைக்கணும் ”