டோக்கியோவில் நடந்த திரைப்பட விழா ஒன்றில் விஜய் சேதுபதியின் மாமனிதன் திரைப்படம் தங்கப் பதக்கம் வென்றுள்ளது.
சமீபத்தில் இயக்குநர் சீனு ராமசாமி இயக்கத்தில் விஜய் சேதுபதி, காயத்ரி, குரு சோமசுந்தரம் நடிப்பில் வெளியான திரைப்படம் மாமனிதன். தென்மேற்கு பருவக்காற்று, கூடல் நகர், நீர்ப்பறவை, தர்மதுரை போன்ற படங்களை இயக்கியிருக்கிறார் சீனு ராமசாமி.
விருதுகளுக்கென்றே படத்தை இயக்குபவராக இருந்து வருகிறார் சீனு ராமசாமி. தென்மேற்கு பருவக்காற்று, தர்மதுரை போன்ற திரைப்படங்கள் தேசிய விருதுகளை அள்ளியது. வணிக ரீதியாகவும் சரி, விமர்சன ரீதியாகவும் இவரது திரைப்படங்கள் வெற்றிபெற்றுள்ளது.
அந்த வகையில் அவரது சமீபத்திய திரைப்படமான மாமனிதன் திரைப்படமும் அந்த பட்டியலில் இணைந்துள்ளது. டோக்கியோவில் நடைபெற்ற திரைப்பட விழாவில் சிறந்த ஆசியத் திரைப்படத்திற்கான தங்கப் பதக்கத்தை (Golden Winner) வென்றுள்ளது இத்திரைப்படம்.
இந்த செய்தியை தனது டிவிட்டர் பக்கத்தில் இயக்குநர் பகிர்ந்திருந்தார். மாமனிதன் திரைப்படத்திற்கு இசைஞானி இளையராஜா மற்றும் யுவன் சங்கர் ராஜா இருவரும் இணைந்து இசையமைத்திருந்தனர். இது சீனு ராமசாமி இயக்கத்தில் விஜய் சேதுபதி நடிக்கும் மூன்றாவது திரைப்படம் என்பதும் குறிப்பிடத்தக்கது.
மேலும் தகாஹிரோ கவாபே என்பவர் இயக்கிய லவ் சாங் அட் 5 pm என்ற திரைப்படம் வெள்ளியும், மர்ட் பீரா என்பவர் இயக்கிய நோமாடிக் டாக்டர் என்ற திரைப்படம் வெண்கலமும் வென்றுள்ளது குறிப்பிடத்தக்கது.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
