இணையத்தில் வைரலாகும் ’ரைஸ் வாட்டர் ஸ்கின் கேர்’ - நிபுணர்கள் சொல்வதென்ன?

கொரியன் அழகு மற்றும் 'கண்ணாடித் தோலை' எவ்வாறு அடைவது என்பதில் ஆர்வம் அதிகரித்ததன் மூலம், அரிசி நீர் பலருக்கு அமுதமாக உருவெடுத்துள்ளது. ஆனால் அது உண்மையில் வேலை செய்கிறதா?

இணையத்தில் வைரலாகும் ’ரைஸ் வாட்டர் ஸ்கின் கேர்’ - நிபுணர்கள் சொல்வதென்ன?canva

காஸ்மெட்டிங் உலகம், ஒரு பக்கம் அசுர வளர்ச்சி அடைந்தாலும் மறுபுறம் மக்கள் ஆர்கானிக் பொருட்களையே தேடி பயன்படுத்தி வருகின்றனர்.

வெளியில் செல்வதால் ஏற்படும் கருமையை நீக்க, செயற்கை முறையில் பல வழிகள் இருந்தாலும், மக்கள் ஆர்கானிக் பொருட்களையே பயன்படுத்த விரும்புகின்றனர் என்று தான் சொல்ல வேண்டும். அதில் குறிப்பாக ரைஸ் வாட்டர் ஸ்கின் கேர் அதாவது அரிசி கழுவிய நீர் பயன்படுத்துவது குறித்து இணையத்தில் வைரலாகி வருகிறது.

`ஜப்பான், சீனா போன்ற நாடுகளில் பல வருடங்களாக `யூசுரு' என்ற பெயரில் அரிசி கழுவிய நீரை ஆரோக்கியத்திற்காகவும் அழகுக்காகவும் பயன்படுத்தி வருகின்றனர்.

அரிசியை ஓர் இரவு முழுவதும் தண்ணீரில் ஊறவைக்கும் போது பல நன்மை தரும் பாக்டீரியாக்கள் அந்த நீரில் உண்டாகும். அதை சருமத்துக்குப் பயன்படுத்தும்போது முகம் பொலிவடையும் என்று பலரும் பயன்படுத்துகின்றனர்.

இது காலம் காலமாக இருந்தாலும், இப்போது உலகளவில் பிரபலமாகியுள்ளது.

அரிசி நீரில் வைட்டமின்கள், தாதுக்கள் மற்றும் அமினோ அமிலங்கள் நிரம்பியுள்ளது. இது தோல் மற்றும் முடி இரண்டிற்கும் ஒரு வரப்பிரசாதமாக அமைகிறது என்று நிபுணர்கள் கூறுகின்றனர்.

அரிசி நீரில் உள்ள அமினோ அமிலங்கள், முடி வேர்களை வலுப்படுத்தவும், அளவை அதிகரிக்கவும், முடி அமைப்பை சரிசெய்யவும் உதவுகிறது.

அதே சமயம் வைட்டமின்கள் A, E மற்றும் தாதுக்கள் முடியின் தரத்திற்கு பங்களித்து, உதிர்தலை கட்டுப்படுத்தி முடி ஆரோக்கியத்தை பராமரிக்க உதவுகிறது.

அதே போல அரிசி நீர் முதுமையைத் தடுக்கும் நன்மைகளைக் கொண்டுள்ளது. இது தோல் வயதானதற்கு காரணமான எலாஸ்டேஸ் என்ற நொதியின் செயல்பாட்டையும் தடுக்கலாம். இதனால், அரிசி நீர் சருமத்தை பராமரிக்க உதவுகிறது.

Health: சருமம் பளபளப்பாக இருக்க வேதிப் பொருட்கள் தான் வழியா? - இயற்கை மாற்றுகள் இதோ!