Thanjavur: கலாச்சார தலைநகராக இருக்கும் தஞ்சாவூரில் நிச்சயம் பார்க்க வேண்டிய இடங்கள் என்ன?

தஞ்சாவூரின் கலாச்சாரம், இசை மற்றும் கலை உலகம் முழுவதும் புகழ்பெற்றது. இந்த நகரம் கைத்தறி பட்டு, பருத்தி புடவைகள், ஓவியங்கள், வெண்கலம், பித்தளை சிலைகள் வாங்க சிறந்த இடமாகும்.

Thanjavur: கலாச்சார தலைநகராக இருக்கும் தஞ்சாவூரில் நிச்சயம் பார்க்க வேண்டிய இடங்கள் என்ன?Twitter

Published on:

05 Oct 2023, 4:00 am

தமிழ்நாட்டின் கலாச்சார தலைநகரம் என்றால் நம் நினைவிற்கு வருவது தஞ்சாவூர். இது வரலாற்றுக்கு பெயர் பெற்ற கோயில்கள், கலைகள் மற்றும் கைவினைப்பொருட்களுக்கு பிரபலமானது.

தஞ்சாவூர் நெல் சாகுபடிக்கு ஒரு முக்கியமான இடமாக உள்ளது. எனவே இது 'தமிழ்நாட்டின் அரிசி கிண்ணம்' என்று அழைக்கப்படுகிறது.

தஞ்சை 11 மற்றும் 14 ஆம் நூற்றாண்டுகளுக்கு இடையில் சோழர்களின் தலைநகராக விளங்கியது. இந்த காலகட்டத்தில், சோழர்கள் பல கோவில்களை கட்டினர். குறிப்பாக இவர்கள் கட்டிய பிரகதீஸ்வரர் கோவில் சோழர்களின் செல்வச் செழிப்புக்கும், வலிமைக்கும் சான்றாக விளங்குகிறது.

தஞ்சாவூர் அரண்மனை, சரஸ்வதி மஹால் நூலகம் மற்றும் விஜயநகர கோட்டை ஆகியவை நகரத்தின் வரலாற்றை கூறுபவையாக உள்ளன.

தஞ்சாவூரின் கலாச்சாரம், இசை மற்றும் கலை உலகம் முழுவதும் புகழ்பெற்றது. நகரத்திலிருந்து சுமார் 54 கிமீ தொலைவில் உள்ள திருவையாறு, பழம்பெரும் இசைக்கலைஞர், கர்நாடக இசையமைப்பாளரான ஸ்ரீ தியாகராஜரின் பிறப்பிடமாகும். தஞ்சாவூர் கலைப் பள்ளி 1600 இல் உருவானது.

இந்த நகரம் கைத்தறி பட்டு, பருத்தி புடவைகள், ஓவியங்கள், வெண்கலம், பித்தளை சிலைகள் வாங்க சிறந்த இடமாகும்.

13 ஆம் நூற்றாண்டு வரை சோழர்களின் கீழ் இருந்த தஞ்சாவூர், பின்னர் பாண்டியர்களால் கைப்பற்றப்பட்டது. 17 ஆம் நூற்றாண்டின் பிற்பகுதியில் நாயக்கர்களிடமிருந்து மராட்டியர்கள் நகரைக் கைப்பற்றினர்.

பல நூற்றாண்டுகளாக, தஞ்சையை பலர் ஆட்சி செய்தாலும் சோழர்கள் தான் நகரத்திற்கு பெருமை சேர்த்தனர் என்றே சொல்லாம்.