பார்வை இழக்கப்போகும் குழந்தைகள்: உலக சுற்றுலா கூட்டிச் சென்ற பெற்றோர் - நெகிழவைக்கும் கதை!

இந்த குழந்தைகள் அனைவருமே விரைவில் பார்வை இழப்புக்கு ஆளாகப் போகின்றனர். இந்த நிலையில் தான் இவர்கள் பார்வை இழப்பதற்கு முன்னர் அவர்களுக்கு அதிக காட்சிகளை, நினைவுகளை கொண்டு சேர்க்க வேண்டுமென இந்த குடும்பம் உலக சுற்றுலாவுக்கு புறப்பட்டுள்ளது.

3 குழந்தைகளுக்கு விரைவில் பார்வை இழப்பு- உலக சுற்றுலா செல்லும் குடும்பம்Twitter

Published on:

14 Sep 2022, 5:03 am

கனடாவைச் சேர்ந்த ஒரு குடும்பத்தில் உள்ள மூன்று குழந்தைகளுக்கு கூடிய விரைவில் கண்பார்வை இழப்பு ஏற்படக் கூடிய நிலையில் அவர்களது பெற்றோர் அவர்களை உலக சுற்றுலாவுக்கு அழைத்துச் சென்றிருக்கும் நிகழ்வு மனமுருகச் செய்கிறது.

செபஸ்டியன் மற்றும் எடித் லெமே தம்பதியினருக்கு 4 குழந்தைகள். அவர்களில் மூத்த மகளான மியா லெமேக்கு (12) கடந்த 2018ம் ஆண்டு ரெட்டினிடிஸ் பிக்மெண்டோசா என்ற மரபியல் பார்வை நோய் இருப்பது தெரியவந்தது.

அடுத்த ஆண்டே மூன்றாவது மகன் கோலின் (7) மற்றும் லாரன்ட் (5) ஆகியோருக்கும் அதே பிரச்னை இருப்பது தெரியவந்தது. இரண்டாவது மகன் மட்டும் இந்த பிரச்னையிலிருந்து தப்பினார்.

ரெட்டினிடிஸ் பிக்மெண்டோசா ஒரு மரபியல் பார்வைக் குறைபாட்டு நோய். இதற்கு எந்த மருத்துவமும் கிடையாது. மூத்த மகளான மியா கடந்த 2018 முதல் மாலை வேளையில் பார்வைக் குறைபாட்டால் அவதிப்பட்டு வருகிறார். அவரின் 30களில் முழுவதுமாக பார்வை இழக்க வாய்ப்பிருப்பதாக கூறப்படுகிறது.

தற்போது நமீபியா, ஜாம்பியா, தான்சானியா, துருக்கி, மங்கோலியா ஆகிய நாடுகளைக் கடந்து இந்தோனீசியாவைச் சுற்றிப்பார்த்து வருகிறது இந்தக் குடும்பம். முன்னதாக சீனா மற்றும் ரஷ்யா வழியாக பயணத்தை மேற்கொள்ள வேண்டும் என்பது இவர்களின் திட்டமாம். ஆனால் கொரோனா தொற்றுப் பரவல் காரணமாக அந்த நாடுகளுக்கு செல்ல முடியவில்லை.

காரில் பாதுகாப்பின்றி பயணித்த குழந்தைகள்- வீடியோவால் சர்ச்சையில் சிக்கிய பெற்றோர் | Video

"வாழ்க்கை எவ்வளவு கடினமானதாக இருந்தாலும் அவர்களால் தினமும் பள்ளிக்கு செல்ல முடிவதும், வீட்டில் தண்ணீர் இருப்பதுமே அவர்கள் அதிர்ஷ்டசாலிகள் என்பதற்கான அடையாளம் தான்" என்பதை உணர்த்துவதற்காக இந்த பயணத்தை மேற்கொண்டதாக எடித் லெமோ கூறுகிறார்.

ரெட்டினிடிஸ் பிக்மெண்டோசா ஒரு மரபியல் நோய். கண்ணில் உள்ள ஒளியை உள்வாங்கும் ரெட்டினிடிஸ் பகுதியில் உள்ள செல்கள் செயலிழப்பால் மெதுவாக பார்வைக் குறைபாடு ஏற்படும். இருட்டில் பார்வை இல்லாமல் இருப்பது இதன் முதல் அறிகுறியாகும். 30 களில் முழுமையான பார்வை இழப்பு ஏற்படும்.