செஸ் உலகக் கோப்பை இறுதிப்போட்டிக்கு தகுதிப் பெற்றிருக்கிறார் தமிழ்நாட்டு வீரரான பிரக்ஞானந்தா. இவர் செஸ் கிராண்ட் மாஸ்டர் ஆவார்.
இந்தியாவின் கிராண்ட்மாஸ்டர் என்று புகழ்பெற்ற விஸ்வநாதன் ஆனந்திற்கு பிறகு செஸ் இறுதிப்போட்டிக்கு முன்னேறியுள்ள இரண்டாவது வீரராவார் பிரக்ஞானந்தா.
அஜர்பெய்ஜானில் செஸ் உலகக்கோப்பை 10வது சீசன் நடைபெற்று வருகிறது. இதில் இந்தியா சார்பில் 10 வீரர்கள், 7 வீராங்கனைகள் பங்கேற்றனர்.
இதில் அரையிறுதிச் சுற்றுக்கு முன்னேறினார் பிரக்ஞானந்தா. உலக தரவரிசையில் 29வது இடத்தில் இருக்கும் பிரக்ஞானந்தா 3வது இடத்தில் இருக்கும் பேபியானோ கருவானாவை எதிர்கொண்டார். முதலில் 1-1 என்ற கணக்கில் டை ஆனது போட்டி.
அதன் பிறகு டை பிரேக்கர் போட்டியில் கருவானாவை பிரக்ஞானந்தா 3 - 5, 2 - 5 என்ற கணக்கில் வீழ்த்தினார்.
தற்போது இறுதிப்போட்டிக்கு முன்னேறியுள்ளார் பிரக்ஞானந்தா. இறுதிப்போட்டியில், உலக தரவரிசையில் முதல் இடத்தில் இருக்கும் மேக்னஸ் கார்ல்சனை எதிர்கொள்ளவுள்ளார்.
இதன் மூலம் உலக கோப்பை செஸ் போட்டி இறுதிச் சுற்றுக்கு முன்னேறிய இரண்டாவது இந்தியர் என்ற பெருமையை அடைகிறார் 18 வயதான இந்த இளம் வீரர். இறுதிப்போட்டிக்கு முன்னேறிய முதல் வீரர் விஸ்வநாதன் ஆனந்த்.
மேலும் பிரக்ஞானந்தா 2024ஆம் ஆண்டு நடைபெறவுள்ள கேண்டிடேட்ஸ் போட்டிக்கும் தகுதிப் பெற்றுள்ளார். இதிலும், விஸ்வநாதன் ஆனந்திற்கு பிறௌ தகுதிப்பெற்ற இரண்டாவது இந்திய வீர் பிரக்ஞானந்தா.
இளம் வீரரை வாழ்த்தி தனது ட்விட்டர் பக்கத்தில் பதிவிட்டிருந்தார் விஸ்வநாதன் ஆனந்த்.
பிரக்ஞானந்தா இறுதிப்போட்டியில் வெற்றி பெற வாழ்த்துவோம்!
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
