குரோஷியாவில் அமைந்திருக்கும் பாடும் கடல் - இந்த இயற்கை அறிவியல் அதிசயத்தின் பின்னணி என்ன?

வெவ்வேறு நீளம், மற்றும் அளவிலான பாலி எத்திலீன் பைப்புகள் கொண்டு இந்த சீ ஆர்கன் உருவாக்கப்பட்டுள்ளது. சுமார் 70 மீட்டர் தூரத்திற்கு இந்த குழாய்கள், படிக்கட்டுகளுக்குள் புகுத்தப்பட்டுள்ளன. கடலலையும் காற்றும் இணைந்து எழும் ஒலியானது, விசில், பறவை சத்தம் என, வெவ்வேறு நாதங்களாக ஒலிக்கின்றன.

குரோஷியாவில் அமைந்திருக்கும் பாடும் கடல் - இந்த இயற்கை அறிவியல் அதிசயத்தின் பின்னணி என்ன?twitter

Published on:

11 Oct 2023, 7:30 am

குரோஷியாவில் பாடும் கடல் தளம் அல்லது பிளாட்ஃபாரம் ஒன்று உருவாக்கப்பட்டுள்ளது. இயற்கையுடன் அறிவியலும் சேர்ந்து இந்த அற்புதத்தை உருவாக்கியுள்ளனர்.

குரோஷியாவின் சேடார் என்ற இடத்தில், இருக்கும் கடலின் மீது ஒரு பிளாட்பாரம் உருவாக்கப்பட்டுள்ளது. இதன் பெயர் சீ ஆர்கன் (Sea Organ). உள்ளூர் மக்கள் இதனை Morske Orgulje என்று அழைக்கின்றனர்.

இந்த தளம் கட்டமைக்கபட்ட பிறகு, சேடார் குரோஷியாவின் முக்கியமான ஈர்ப்புகளில் ஒன்றாக மாறிவிட்டது

நிகோலா பேசிக் என்ற குரோஷிய கட்டடக்கலை நிபுணர் தான் இந்த தளத்தை உருவாக்கினார். குரோஷியாவின் ஒரு பெரிய நீர்முனை சீரமைப்பின் திட்டத்தின் பகுதியாக கட்டமைக்கப்பட்டது இந்த சீ ஆர்கன்.

இந்த தளம் பார்ப்பதற்கு ஒரு சாதாரணமான மேடை போல காட்சியளிக்கலாம். ஆனால் நீருக்கடியில், நீர்குழாய்கள், வாட்டர் சேனல்கள் கொண்டுள்ளது. இந்த கட்டமைப்பானது, ஏட்ரியாட்டிக் கடலுக்குள் இறங்கும் படிக்கட்டுகளில் ஒருங்கிணைக்கப்பட்டுள்ளன.

இந்த குழாய்களுக்குள் அலைகள் வந்துபோகும்போது ஒரு சிம்ஃபனி ராகம் இயற்கையாக உருவாகிறது. ஒரு ஒரு முறை அலை அடித்து வெளியேறும்போதும் ஒவ்வொரு விதமான இசை உருவாகிறது

இந்த கடற்கரையில் மணலே இல்லை - கலிஃபோர்னியாவின் கண்ணாடி கடற்கரை பற்றி தெரியுமா?