துருக்கி : வீட்டுக்கு கீழே 2000ம் ஆண்டு பழமையான நகரத்தை கண்டுபிடித்த நபர் - என்ன நடந்தது?

இந்த நகரம் எப்போது உருவாக்கப்பட்டது என்பது இன்றுவரை தெளிவாக கண்டறியப்படவில்லை. சிலர் கிமு 900களில் ஃபிரிஜியன்ஸ் என்ற இனமக்களால் உருவாக்கப்பட்டிருக்கலாம் என்கின்றனர்.

துருக்கி : வீட்டுக்கு கீழே 2000ம் ஆண்டு பழமையான நகரத்தை கண்டுபிடித்த நபர் - என்ன நடந்தது?Twitter

1963ம் ஆண்டு ஒரு மனிதர் தனது வீட்டின் பாதாள அறையின் சுவரில் சுத்தியலால் ஏதோ வேலை செய்ய முனைந்தபோது பின்பக்கம் இருந்த சுரங்கத்தைக் கண்டறிந்தார்.

தனது வீட்டின் கீழே இருந்த பழமையான ஒரு ஊரையே அவர் கண்டுபிடித்துள்ளார் என்பதை அவர் அறியவில்லை.

துருக்கியில் உள்ள நெவ்செஹிர் மாகாணத்தில் இந்த சம்பவம் நடந்துள்ளது. அவர் சுரங்கத்தில் செல்ல செல்ல அடுத்தடுத்த சுரங்கங்களைப் பார்த்தார்.

ஒரு கட்டத்தில் அவர் தன்னிச்சையாக கண்டறிந்தது 2000 ஆண்டுகள் பழமையான நகரம் எனத் தெரிந்துகொண்டார். தொடர்ந்து அங்கு அகழ்வாராய்ச்சிகள் நடந்தன.

நிலத்துக்கு அடியில் அவர் கண்டறிந்த நகரம் டிரிங்க்யு என ஆய்வாலர்கள் கூறினர். இந்த நகரத்தில் 20,000க்கும் மேற்பட்ட மக்கள் வசித்திருக்கின்றனர்.

9/11 தாக்குதல்: பல்லாயிரம் கோடி மதிப்பு தங்கம், 1000 கார் மண்ணில் புதைந்து கிடக்கிறதா?

வரலாற்று ஆசிரியர்கள், எதிரிகளின் படையினர் வரும் போது மறைந்து கொள்வதற்காக கட்டப்பட்ட இடமாக இருக்கலாம் எனக் கூறுகின்றனர்.

இப்போது இந்த பகுதியில் பொதுமக்கள் சுற்றுலா சென்று வருகின்றனர்.