வித்தியாசமான, அரிய பொருட்களை வியாபாரம் செய்வது ஒரு வித திறமை என்றால், அன்றாடம் நம் வாழ்வில் ஒன்றியிருக்கும் பொருட்களை மக்களிடம் கொண்டு சேர்ப்பதில் தான் அதிக சவால் இருக்கிறது. அதற்குத் தான் அதிக திறமையும் வேண்டும்.
ஏதாவது செய்து மக்களை ஈர்த்து விடமாட்டோமா? வெற்றிகண்டு விடமாட்டோமா என்பது தான் பலரின் ஆதங்கம். அதற்காக பாடல் பாடி, நடனமாடி சிலர் அவர்களது பொருட்களை விற்பார்கள். நம் ஊர்களில் பாத்திரங்களில் இசையமைத்து ஸ்வீட் கார்ன் விற்கும் ஆட்களையெல்லாம் நாம் பார்த்திருப்போம்.
அந்த வகையில், பழம் விற்கும் இந்த நபரின் வித்தியாசமான அணுகுமுறை இணையவாசிகள் மத்தியில் பிரபலமடைந்து வருகிறது. சிரிக்கவைக்கும் வகையில் இவர் செய்யும் முக பாவனைகள் வாடிக்கையாளர்களை ஈர்க்கிறது.
அப்படிப் பல விதமாக முகத்தை மாற்றி, சத்தங்கள் செய்து பழத்தை அறுத்துத் தருகிறார். அதையும் ஏதோ செய்ய முடியாத காரியத்தைச் செய்து முடிப்பவரைப் போல அவர் கொடுக்கும் சின்ன சின்ன ரியாக்ஷன்ஸ் வைரலாகி வருகிறது.
தர்பூசனி, மற்றும் பப்பாளிகளை விற்கும் இவர், அவற்றைப் பிரித்த பின்னர், பழங்கள் எவ்வளவு ஃபிரெஷாகவும், நல்ல நிறத்துடனும் இருக்கிறது பாருங்கள் என்று கூச்சலிடுகிறார். இவருக்கு அருகில் நின்றுகொண்டு வேடிக்கை பார்த்துக்கொண்டிருக்கும் சிறுவனது முக மாற்றம் தான் இன்னும் சிரிக்க வைக்கும் வகையில் இருக்கிறது
பலரும் அவரது வியாபார யுக்தியைப் பாராட்டி வருகின்றனர். ஒரு சிலர், "ஒரு வேளை இவர் பழங்களை அறுக்கும்போது கையை சேர்த்து வெட்டிக்கொள்வதால், அந்த வலியில் அலறுகிறார். ஆனால் அதை இப்படி சேட்டைகளைச் செய்து மறைக்கிறார்" என்றும் கேலி செய்தனர்.
இவரது இந்த அணுகுமுறைக்காகவெ இவரிடம் நான் பழங்களை வாங்குவேன் என்று ஒருவர் தெரிவித்தார்
இதற்கு முன்னர் பாட்டுப் பாடி திராட்சைகளை விற்ற சாலையோர வியாபாரி ஒருவரது வீடியோ வைரலானது குறிப்பிடத்தக்கது
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
