உலகிலேயே அதிக சப்ஸ்கிரைபர்களை கொண்ட சேனல் டி-சீரிஸ் தான். இரண்டாவது இடத்தில் இருப்பது மிஸ்டர் பீஸ்ட் என அறியப்படும் ஜிம்மி டொனால்ட்சன்.
25 வயது அமெரிக்கரான இவருக்கு 161 மில்லியன் சப்ஸ்கிரைபர்கள் உள்ளனர். இவர் 3 ஆண்டுகளில் இறந்துவிடுவார் என ஒரு வீடியோ இணையத்தில் வைரலாகி வருகிறது.
இந்த வீடியோவால் மிஸ்டர் பீஸ்டின் ரசிகர்கள் அதிர்ந்துவிட்டனர். ஆனால் அவரே இதற்கு விளக்கம் கொடுத்துள்ளார். அவரது ட்வீட்களை பொய்யாக பதிவிடுவதை நிறுத்துங்கள் எனக் கூறியுள்ளார்.
"இந்த வீடியோவைப் பதிவிட்டதற்கு மிகவும் நன்றி. நான் இறந்துகொண்டிருக்கிறேன் என்பது எனக்கே தெரியாமல் இருந்திருக்கிறது" என கொஞ்சம் நக்கலாக அவர் இறப்பது குறித்த செய்தியை மறுத்துள்ளார்.
போலோ என்ற யூடியூபர் தான் இந்த தவறான தகவலை வீடியோ மூலம் பரப்பியிருக்கிறார். அந்த வீடியோவுக்கு "மிஸ்டர் பீஸ்டுக்கு இருக்கும் க்ரோனிக் நோய் நீங்கள் நினைப்பதை விட மோசமாக இருக்கிறது" எனத் தலைப்பிட்டுள்ளார்.
மிஸ்டர் பீஸ்ட் விளக்கம் அளித்ததை அடுத்து போலோ தீவிரமாக விமர்சிக்கப்பட்டு வருகிறார்.
யூடியூப் உலகில் பிரபலமான நபர் என்றால் மிஸ்டர் பீஸ்ட் தான். இவர் 13 வயதில் இருந்து யூடியூபில் வீடியோக்களைப் பதிவிட்டு வருகிறார். ஆரம்பத்தில் கேமிங் வீடியோக்கள் பகிர்ந்துவந்த இவர் ஒரு கட்டத்துக்கு மேல் சாகசங்கள் செய்து வீடியோக்கள் பதிவிடுவார்.
2017ம் ஆண்டு அவர் வெளியிட்ட 1,00,000 வரை எண்ணும் வீடியோ தான் அவரை வைரலாக்கியது. இவரது சில சாகசங்கள் அநாவசியமானது மற்றும் தேவையில்லாத ரிஸ்க் எனவும் விமர்சிக்கப்பட்டுள்ளது.
யூடியூபராக மட்டுமல்லாமல் மிஸ்டர் பீஸ்ட் பர்கர் என்ற ஆன்லைன் நிறுவனத்தையும் உருவாக்கியுள்ளார் இவர்.
மேலும் தொண்டு நிறுவனங்களுக்கு நிதி திரட்டுவதையும் தனது முக்கிய பணியாக மேற்கொண்டுள்ளார். இதுவரை 23 மில்லியன் டாலர்களுக்கும் மேலாக நிதி திரட்டியுள்ளார்.
இவரது சொந்த பணத்தையும் மில்லியன் கணக்கில் பிறருக்கு கொடுத்துள்ளார். இந்த நல்ல செயல்களால் இவர் மிகவும் மதிக்கத்தக்க நபராகவும் உள்ளார்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
