திரிபுரா மாநிலத்தைச் சேர்ந்த பாஜக எம்.எல்.ஏ சட்டமன்றத்தில் இருக்கும்போது ஆபாசப்படம் பார்த்தது கேமராவில் பிடிபட்டிருக்கிறது.
ஜாதவ் லால் நாத் என்பவர் பாக்பஸ்ஸா தொகுதியின் எம்.எல்.ஏ-வாக இருக்கிறார். சட்டமன்றத்தில் பட்ஜெட் தொடர்பான உரையாடல்கள் நடைபெற்றுக்கொண்டிருக்கும் போது அவரின் அருகில் இருந்த யாரோ அந்த வீடியோவை எடுத்திருக்கின்றனர்.
அந்த வீடியோவில் பல ஆபாசப்படங்களை திரையில் தள்ளிவிட்டு, அவர் ஒன்றைத் தேர்ந்தெடுத்துப் பார்ப்பது தெரிந்துள்ளது.
இதுகுறித்து, “இந்த விஷயங்கள் சமூக வலைதளங்களில் வைரலாகின்றன. உண்மைகளைக் கண்டறியாமல், என்னால் நடவடிக்கை எடுக்க முடியாது. எனக்கு எழுத்துப்பூர்வ புகார் எதுவும் வரவில்லை" எனக் கூறியுள்ளார் சபாநாயகர் பிஸ்வபந்து சென்.
அஸ்ஸாம் ட்ரிபூனே செய்திதளம், பாஜக கட்சி சார்பில் லால் நாத்திடம் விளக்கம் கேட்டிருப்பதாகவும், அவருக்கு நோட்டிஸ் கொடுக்கத் திட்டமிட்டு வருவதாகவும் கூறியிருக்கிறது.
இதுகுறித்து லால் நாத், "சட்டசபையில் மொபைல் போன் பயன்படுத்த தடை விதிக்கப்பட்டுள்ளது என்பதை நான் அறிவேன். எனக்கு மீண்டும் மீண்டும் அழைப்புகள் வந்தன, நான் அழைப்பை எடுத்த பிறகு, ஆபாசமான வீடியோக்கள் தானாக எனது மொபைலில் ஓட ஆரம்பித்தன. நான் விரைவில் அவற்றை அணைத்தேன்" எனக் கூறியுள்ளார்.
எதிர்கட்சி தலைவர்கள் லால் நாத்துக்கு எதிராக நடவடிக்கை எடுக்க வேண்டும் எனக் கேட்டுக்கொண்டுள்ளனர்.
2012 இல், கர்நாடகாவில் மூன்று பாஜக அமைச்சர்கள் - லக்ஷ்மண் சவடி, சி.சி. பாட்டீல் மற்றும் கிருஷ்ணா பலேமர் - சட்டசபையில் ஆபாசத்தைப் பார்த்து பிடிபட்டதால் ராஜினாமா செய்ய வேண்டிய கட்டாயம் ஏற்பட்டது குறிப்பிடத்தக்கது.
அவர்களில் இருவர் கட்சி மூலமாக மீண்டும் பதவியில் அமர்த்தப்பட்டனர் என தி வயர் தளம் குறிப்பிட்டுள்ளது.
குஜராத்திலும் ஷங்கர் சௌத்ரி மற்றும் ஜெதாபாய் பார்வாட் ஆகிய இரண்டு பாஜக எம்.எல்.ஏக்கள் ஆபாச படம் பார்த்ததாக கூறப்பட்டது. ஆனால் அவர்கள் குற்றச்சாட்டுகளை மறுத்துவிட்டனர்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
