இந்தியா என்னும் நாட்டின் பெயரை பாரத் என மாற்ற அரசு திட்டமிட்டுள்ளது. நாடாளுமன்ற சிறப்புக் கூட்டத்தில் பெயர் மாற்றத்திற்கான தீர்மானம் கொண்டு வரப்படலாம் என தகவல்கள் தெரிவிக்கின்றன.
நாடாளுமன்ற தேர்தலில் பாஜவை எதிர்த்து அனைத்து எதிர்க்கட்சிகளும் களம் இறங்கி உள்ளன. பாட்னாவில் முதல் கூட்டம் நடைபெற்றது. அதை தொடர்ந்து பெங்களூருவில் 2வது கூட்டம் நடந்தது. அப்போது எதிர்க்கட்சிகள் கூட்டணிக்கு I.N.D.I.A. கூட்டணி என்று பெயர் வைக்கப்பட்டது. இதன் பிறகு நாட்டின் பெயரை பாரத் என மாற்ற பாஜக தலைவர்கள் தொடர்ந்து வலியுறுத்தி வருகின்றனர்.
அசாம் முதல்வர் ஹிமந்த பிஸ்வா சர்மா தனது 'X' முகப்பு பக்கத்தில் இந்தியா என இருந்ததை பாரத் என மாற்றியுள்ளார். பாரத் என அழைப்பதில் பெருமை கொள்வதாக அவர் பதிவிட்டுள்ளார்.
இதைத் தொடர்ந்து தமிழக ஆளுநர் ஆர்.என்.ரவி இன்று வெளியிட்ட ஆசிரியர் தின வாழ்த்து குறிப்பில் இந்தியா என்ற வார்த்தைக்கு பதிலாக பாரத் என குறிப்பிட்டுள்ளார்.
அவர் வெளியிட்ட பதிவில், வலிமையான, திறமையான பாரதத்தை உருவாக்குவதில் முக்கிய பங்காற்றிய ஆசிரியர்களுக்கு நன்றி என ஆளுநர் கூறியுள்ளார்.
ஜி20 மாநாட்டிற்கான இரவு விருந்து அழைப்பிதழில் பாரத ஜனாதிபதி என்று ராஷ்ட்ரபதி பவன் குறிப்பிட்டுள்ளது.
வழக்கமாக ராஷ்ட்ரபதி பவன் அழைப்பிதழில் இந்திய ஜனாதிபதி என்றே குறிப்பிடப்படும் என்றும் அரசியல் சட்டம் கூறும் மாநிலங்களின் ஒன்றியம் இந்தியா என்ற கருத்து ஒன்றிய அரசால் தாக்குதலுக்கு உள்ளாக்கியுள்ளது என்றும் காங்கிரஸ் கட்சியைச் சேர்ந்த ஜெய்ராம் ரமேஷ் குறிப்பிட்டுள்ளார்.
இப்படி இந்தியா என்ற பெயரை பாரத் என மாற்ற அரசு திட்டமிட்டிருப்பதாக தெரிகிறது. நாட்டிற்கு இந்தியா என்ற பெயர் எப்படி வந்தது என்று இந்த பதிவில் பார்க்கலாம்.
'இந்தியா’ என்ற பெயர் பழங்காலத்திலிருந்தே காணக்கூடிய பெயராகும். அதன் தோற்றம் 'சிந்து' என்ற வார்த்தையில் உள்ளது என்று கூறுகின்றனர்.
கிமு 1700-1100 க்கு இடையில் இயற்றப்பட்ட மிகப் பழமையான இந்தோ-ஐரோப்பிய நூல்களில் ஒன்றான ரிக்-வேதத்தில் 'சிந்து' என்ற சொல் அதன் ஆரம்பக் குறிப்பைக் காண்கிறது.
இந்த புனித நூல் இந்திய துணைக்கண்டத்தின் வடமேற்கு பகுதியில் எழுதப்பட்டது. குறிப்பிடத்தக்க கலாச்சார மற்றும் மொழியியல் முக்கியத்துவத்தை கொண்டுள்ளது. ரிக்-வேதத்தில், 'சிந்து' என்பது பண்டைய இந்திய நாகரிகத்தின் வளர்ச்சிக்கு இன்றியமையாத சிந்து நதியைக் குறிக்கிறது.
பண்டைய இந்தியாவின் கலாச்சாரம் விரிவடைந்ததும், அரேபியர்களும் ஈரானியர்களும் 'சிந்து' என்ற வார்த்தையில் 's' ஒலியை 'h' என்று உச்சரித்தனர். இதனால், சிந்து நதிக்கு அப்பால் உள்ள நிலம் 'இந்து' என்று அறியப்பட்டது. கிரேக்கர்கள், ‘இந்து’ என்ற சொல்லை ‘இந்தோஸ்’ என்று ஏற்று ‘சிந்து’ என்று உச்சரித்தனர்.
‘இந்தியா’ என்ற ஆங்கிலச் சொல்லை லத்தீன் மொழியிலும் அதன் தாக்கத்தை ஆங்கில மொழியிலும் காணலாம். இந்த பெயர் பழைய ஆங்கிலத்தில் அறியப்பட்டது, இது கிங் ஆல்ஃபிரட்டின் ஓரோசியஸின் மொழிபெயர்ப்பில் தோன்றியது
ஆரம்பகால நவீன ஆங்கிலத்தின் பிற்பகுதி வரை (15 ஆம் நூற்றாண்டின் பிற்பகுதி முதல் கிபி 1650 வரை) 'இந்தியா' என்ற பெயர் தோன்றவில்லை. இதற்கு லத்தீன், ஸ்பானிஷ் அல்லது போர்த்துகீசிய மொழிகளின் செல்வாக்கு காரணமாக இருக்கலாம். அதன் பின்னர் கிங் ஜேம்ஸ் பைபிளின் முதல் பதிப்பிலும் புகழ்பெற்ற நாடக ஆசிரியர் வில்லியம் ஷேக்ஸ்பியரின் படைப்புகளிலும் ‘இந்தியா’ வெளிவந்தது.
'இந்தியா' என்ற பெயர் ஆங்கிலப் பயன்பாட்டில் இருந்து வருகிறது. 'இந்தியா' என்ற பெயர் வரலாற்றில் ஆழமாக வேரூன்றியுள்ளது. அண்டை கலாச்சாரங்களால் 'ஹிந்துக்கள்' அல்லது 'இந்தோஸ்' என்று குறிப்பிடப்படுகிறது. பல்வேறு மொழியியல் தாக்கங்கள் மூலம் ஆங்கிலத்தில் 'இந்தியா' என ஏற்றுக்கொள்ளப்பட்டது.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
