இந்தியாவில் தங்க நகைகளின் விலை எப்படி கணக்கிடப்படுகிறது?

தங்கத்தின் விலை அதன் காரட்டில் மற்றும் எடையில் ஒரே மாதிரியாக இருந்தாலும், சந்தையில் ஒவ்வொரு தங்கப் பொருளுக்கும் ஒரே மாதிரியான விலை நிர்ணயம் செய்யப்படுவதில்லை என்பது குறிப்பிடத்தக்கது.

இந்தியாவில் தங்க நகைகளின் விலை எவ்வாறு கணக்கிடப்படுகிறது?Twitter

தங்க நகைகள் வாங்குவது நம் நாட்டில் ஒரு பாரம்பரியம் என்றே சொல்லலாம். இந்தியா முழுவதும் குறிப்பாக திருமணங்கள் போன்ற நிகழ்வுகளுக்கு தங்கம் என்பது ஒரு கலாச்சார மதிப்பாக கருதப்படுகிறது.

தங்கம் வாங்குபவர்கள், அதன் கட்டணம் குறித்து அறிந்துகொள்வது அவசியம்.

எப்போது தங்கம் வாங்கினாலும் நகைக்கடைக்காரர்கள் தங்க நகைகளுக்கு எப்படிக் கட்டணம் வசூலிக்கிறார்கள் என்பதைத் தெரிந்துகொள்வது மிகவும் முக்கியமானது.

இந்தியாவில் தங்கத்தின் விலை எவ்வாறு கணக்கிடப்படுகிறது?

ஒவ்வொரு நாளும் நகை வியாபாரிகள் சங்கம் நிர்ணயித்த தங்கத்தின் விலைக்கேற்ப தங்க வியாபாரிகள் மற்றும் சில்லரை வியாபாரிகள் நகைகளை விற்கின்றனர்.

ஃபோர்ப்ஸ் அறிக்கையின்படி, ஒவ்வொரு நகரத்திலும் தங்கத்தின் விலையை அறிவிக்கும் உள்ளூர் தங்க சங்கம் உள்ளது.

அதனால்தான் ஒவ்வொரு நகரத்திலும் ஒரே எடையுள்ள தங்கத்தின் விலை வேறுபாடுகள் உள்ளன. ஆனால் நகைகளின் இறுதி விலையை கணக்கிட நகைக்கடைக்காரர்கள் எந்த ஃபார்முலாவைப் பயன்படுத்துகிறார்கள் என்பது முக்கியம்.