இந்தியன் ரயில்வே இந்தியாவில் பல சொகுசு ரயில்களை இயக்குகின்றன.
மகாராஜாஸ் எக்ஸ்பிரஸ், பேலஸ் ஆன் வீல்ஸ், தி டெக்கான் ஒடிஸி மற்றும் ராயல் ராஜஸ்தான் ஆன் வீல்ஸ் ஆகியவை இதில் அடங்கும். இந்த சொகுசு ரயில்கள், இந்தியாவின் வளமான கலாச்சார பாரம்பரியத்தை ஆராய்வதுடன், பயணிகளுக்கு ராயல்டி அனுபவத்தை அளிக்கின்றன.
மகாராஜாஸ் எக்ஸ்பிரஸ் ரயில், இந்தியாவில் உள்ள உலகின் முன்னணி சொகுசு சுற்றுலா ரயில்களில் ஒன்றாகும், இது அதிகாரப்பூர்வ இணையதளம் - maharajas.com இல் குறிப்பிடப்பட்டுள்ளது.
உலகின் முதல் பத்து சொகுசு ரயில் பயணங்களில் ஒன்றாக 'பேலஸ் ஆன் வீல்ஸ்' மதிப்பிடப்பட்டுள்ளது. 'ராயல் ராஜஸ்தான் ஆன் வீல்ஸ்' என்பது மற்றொரு சொகுசு சுற்றுலா ரயில் ஆகும். 'டெக்கான் ஒடிஸி' என்பது 'பேலஸ் ஆன் வீல்ஸ்' மாதிரியை அடிப்படையாகக் கொண்ட சிறப்பு சொகுசு ரயில் ஆகும்.
இந்த சொகுசு ரயில்கள் குறித்து விரிவாக பார்க்கலாம்.
மகாராஜாஸ் எக்ஸ்பிரஸ் ரயில் 2010 ஆம் ஆண்டு மார்ச் மாதத்தில் தொடங்கப்பட்டது. மிகவும் விலையுயர்ந்த ரயிலாகவும் கருதப்படுகிறது. இந்த ரயிலில் லாட்ஜ்கள் மற்றும் சொகுசு அறைகள் உள்ளன.
மகாராஜாஸ் எக்ஸ்பிரஸில் டீலக்ஸ் கேபின்களுக்கு ஐந்து பெட்டிகளும், ஜூனியர் அறைகளுக்கு ஆறு பெட்டிகளும், சூட்களுக்கு இரண்டு பெட்டிகளும், பிரமாண்டமான பிரசிடென்ஷியல் சூட் ஒன்றும் உள்ளன.
'பேலஸ் ஆன் வீல்ஸ்' 52 அறைகளைக் கொண்டுள்ளது. இந்த ரயிலில் 7 இரவுகள் மற்றும் 8 நாட்கள் பயணத் திட்டம் உள்ளது. இது 14 முழு குளிரூட்டப்பட்ட டீலக்ஸ் சலூன்களைக் கொண்டுள்ளது. இது உலகத்தரம் வாய்ந்த வசதிகளுடன் கூடியது.
ராயல் ராஜஸ்தான் ஆன் வீல்ஸ், டெல்லியில் தொடங்கி ராஜஸ்தானின் பாரம்பரிய தளங்கள் வழியாக ஒரு வார கால பயணத்தை மேற்கொள்கிறது.
இதில் 14 பயணிகள் பெட்டிகள் உள்ளன. 13 பெட்டிகளில் ஒவ்வொரு கோச்சிலும் மூன்று டீலக்ஸ் சலூன்களும், 14வது கோச்சில் 2 சூப்பர் டீலக்ஸ் சலூன்களும் உள்ளன. ஒவ்வொரு டீலக்ஸ் சலூனிலும் ரூபி, முத்து போன்ற நகைகளின் வெவ்வேறு வண்ண தீம் உள்ளது.
டெக்கான் ஒடிஸி ரயில்கள், உணவகங்கள், பார், ஹெல்த் ஸ்பா மற்றும் இதர வசதிகளை கொண்டுள்ளது.
இந்த ரயிலில் 21 ஆடம்பரமான பெட்டிகள் உள்ளன. இந்த 21 பெட்டிகளில், 11 விருந்தினர்களுக்கு இடமளிக்கிறது, மீதமுள்ளவை உணவு, ஹெல்த் ஸ்பா போன்ற பல்வேறு நோக்கங்களுக்காகப் பயன்படுத்தப்படுகின்றன.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
