தினமும் பள்ளிக்கு சென்று பாடம் பயின்று வருகிறது ஜார்க்கண்ட் மாநிலத்தில் ஒரு குரங்கு.
தினமும் சமூக வலைத்தளங்களில் நாம் சுவாரஸ்யமான நிறைய விஷயங்களை படிப்போம், பார்ப்போம். அதிலும் முக்கியமாக விலங்குகள் செய்யும் சேட்டைகள் குறித்த வீடியோக்கள் நம் மனதை வெகுவாக கவரும். நாய், பூனை முதல், வன விலங்குகள் வரை, வித்தியாசமான, வேடிக்கையான வீடியோக்கள் வைரலாகும். அந்த வகையில் இங்கும் குரங்கு ஒன்றின் வீடியோ இணையத்தில் வைரலாகி வருகிறது.
கல்வி எல்லாருக்கும் சமம் என்று நாம் நிறைய விவாதித்திருப்போம். அப்படி, இங்கு ஒரு குரங்கு, வகுப்பறையில் உட்கார்ந்துகொண்டு மாணவர்களோடு பாடம் கவனிக்கிறது. தகவல்களின் படி, ஜார்க்கண்டில் உள்ள ஒரு பள்ளிக்கு கடந்த ஒரு வாரமாக தவறாமல் பள்ளிக்கு வருகிறது அந்த குரங்கு.
அப்படி வருகின்ற குரங்கு ஒவ்வொரு முறையும் ஒவ்வொரு வகுப்பில் அமர்ந்து பாடம் கவனிக்கிறது. அது மட்டுமல்லாமல், பள்ளி நிர்வாகிகள் அலுவலகம், பள்ளி வளாகம், காலை கடவுள் வாழ்த்து பாடும் நேரம் என சுற்றிக்கொண்டிருக்கிறது அந்த குரங்கு.
அந்த குரங்கு தினமும் காலை 9 மணிக்கு பள்ளிக்கு வந்து, மாலை பள்ளி நேரம் முடிந்து மாணவர்கள் வீடு திரும்புகையில் அதுவும் சென்றுவிடுவதாக அந்த பள்ளியின் தலைமை ஆசிரியர் ஐ ஏ என் எஸ் செய்தியிடம் கூறியுள்ளார். ஒன்பதாம் வகுப்பு பயிலும் மாணவர்களுடன் குரங்கு அமர்ந்திருந்தது என்றும், முதல் நாள் அவர்கள் விலங்கினை பார்த்தபோது பயந்தனர் எனவும் அவர் கூறினார்.
ஆனால் அந்த குரங்கு அங்குள்ள மாணவர்களையோ அல்லது வேறு யாரையும் தாக்கவில்லை என தெரிவித்தார் தலைமை ஆசிரியர். வனத் துறையினருக்கு குரங்கு குறித்து தகவல் அளிக்கப்பட்டு அவர்கள் அதை பிடிக்க முயற்சித்துள்ளனர். ஆனால் குரங்கு அவர்களிடம் பிடிபடாமல் தப்பித்துவிட்டதாக அவர் தெரிவித்தார்
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
