கேரளா, தமிழகத்துக்கு 'கள்ளக்கடல்' எச்சரிக்கை விடுத்துள்ள அதிகாரிகள்!Twitter

கேரளா, தமிழகத்துக்கு 'கள்ளக்கடல்' எச்சரிக்கை விடுத்துள்ள அதிகாரிகள்!

கடல் சீற்றம் வலுப்பெற வாய்ப்புள்ளதால் அபாயப் பகுதிகளிலிருந்து விலகி இருக்க மீனவர்களுக்கு அறிவுறுத்தப்பட்டுள்ளது. மேலும் மீன்பிடி படகுகளை பாதுகாப்பாக நிறுத்துமாறு மக்களுக்கு அறிவுறுத்தப்பட்டுள்ளது.

இந்தியப் பெருங்கடலில் ஏற்பட்டுள்ள 'கள்ளக்கடல்' நிகழ்வு காரணமாக கேரளா மற்றும் தமிழகத்தின் கரையோரப் பகுதிகளில் எச்சரிக்கை விடுக்கப்பட்டுள்ளன.

அறிகுறிகள் எதுவும் இல்லாமல் திடீரென கடல் சீற்றம் அடைவது, 'கள்ளக்கடல்' நிகழ்வு என்று அழைக்கப்படுகிறது. திருடனை போல சற்றும் எதிர்பாராத தருணத்தில் வருவதால், கேரள மக்கள் இதை, கள்ளக்கடல் என அழைக்கின்றனர்.

கடல் தகவல் சேவைகளுக்கான இந்திய தேசிய மையம் (INCOIS) "கள்ளக்கடல் நிகழ்வு" குறித்து மீனவர்கள் மற்றும் கடலோர குடியிருப்பாளர்களுக்கு எச்சரிக்கை விடுத்துள்ளது.

கடல் சீற்றம் வலுப்பெற வாய்ப்புள்ளதால் அதிகாரிகளின் அறிவுறுத்தலின்படி, அபாயப் பகுதிகளிலிருந்து விலகி இருக்க மீனவர்களுக்கு அறிவுறுத்தப்பட்டுள்ளது. மேலும் மீன்பிடி படகுகளை பாதுகாப்பாக நிறுத்துமாறு மக்களுக்கு அறிவுறுத்தப்பட்டுள்ளது.

கள்ளக்கடல் நிகழ்வு இந்தியாவின் தெற்கு கடற்கரையோரத்திற்கு புதிதல்ல, இது பொதுவாக பருவமழைக்கு முந்தைய வாரங்களில் நடக்கும். இது ஒரு சில நாட்கள் வரை நீடிக்கும். கடலின் நீர்மட்டம் அதிகபட்சமாக 3-4 மீ வரை உயரும்.

பூமிக்கு அடியில் கடல் இருப்பதை கண்டுபிடித்த விஞ்ஞானிகள்!