லாச்சுங் முதல் லடாக் வரை: இந்தியாவில் பனிப்பொழிவை காண சிறந்த இடங்கள் எது தெரியுமா?

ஹிமாச்சலப் பிரதேசத்தின் வடக்கு உயரத்தில் இருந்து உத்தரகாண்டின் அழகிய பள்ளத்தாக்குகள் வரை நவம்பரில் இந்த இடங்கள் பனிப்பொழிவின் கண்கவர் காட்சிகளை பார்வையாளர்களுக்கு வழங்குகிறது.

இந்தியாவில் பனிப்பொழிவை காண சிறந்த இடங்கள் எது தெரியுமா?Twitter

இந்தியாவின் பல்வேறு இடங்களில் குளிர்காலம் தொடங்கிவிட்டது. இந்த காலநிலைக்கு ஏற்றவாறு எதாவது செல்ல வேண்டும் என்று நினைபவர்களா நீங்கள், அப்படி என்றால் இந்த பதிவு உங்களுக்கானது.

நவம்பர் மாதத்தில் இந்தியாவில் குறிப்பிட்ட சில பகுதிகளில் நீங்கள் பனிப்பொழிவை காணலாம்.

குல்மார்க், காஷ்மீர்

நீங்கள் குளிர்கால விளையாட்டு ஆர்வலராக இருந்தால், ஸ்ரீநகரில் இருந்து 46 கிமீ தொலைவில் அமைந்துள்ள குல்மார்க் தென்கிழக்கு ஆசியாவிலேயே செல்ல சிறந்த இடமாகும். பனிப் பிரியர்கள் மற்றும் பனிச்சறுக்கு ஆர்வலர்கள் ஆகியோருக்கு இந்த இந்த இடம் மிகவும் பிடித்தமானதாக உள்ளது.

லடாக்

குளிர்காலத்தில், லடாக்கில் இருக்கும் ஏரிகள் முழுவதும் உறைந்து காணப்படும். வெப்பநிலை 0 ° C க்கும் கீழ் குறைந்திருக்கும். மலையேற்றம் மற்றும் பனிச்சறுக்கு ஆகியவை லடாக்கின் பல பகுதிகளில் மிகவும் பிரபலமான செயல்பாடுகளாகும்.

குளிர் காலநிலையை விரும்பாதவர்கள் ஏப்ரல் மற்றும் ஜூலை மாதங்களில் லடாக்கிற்குச் செல்லலாம்.

குஃப்ரி, இமாச்சல பிரதேசம்

இமாச்சல பிரதேசத்தில் ஆண்டு முழுவதும் பார்வையிட சிறந்த இடங்களில் ஒன்று இந்த குஃப்ரி. குளிர்காலத்தில், உறைபனிக்குக் கீழே வெப்பநிலை குறையும், கடுமையான பனிப்பொழிவும் இருக்கும். இது பனிச்சறுக்கு மற்றும் பிற குளிர்கால விளையாட்டுகளுக்கான பிரபலமான இடமாக அமைகிறது.

அவுலி, உத்தரகாண்ட்

கடல் மட்டத்திலிருந்து சுமார் 9,200 அடி உயரத்தில் அமைந்துள்ள அவுலியில், நவம்பர் மாத பனிப்பொழிவைப் காணலாம்.

இந்த அற்புதமான காட்சிகள் பல சுற்றுலாப் பயணிகளை ஈர்க்கிறது. பனி மூடிய மலைகள், பசுமையான காடுகள் மற்றும் படிக தெளிவான ஆறுகள் ஆகியவற்றின் அற்புதமான காட்சிகளுக்காக இது அறியப்படுகிறது. சாகசப் பிரியர்களுக்கும் இயற்கை ஆர்வலர்களுக்கும் ஏற்ற இடம் அவுலி.

இந்த சுற்றுலா தலமானது அற்புதமான இமயமலைத் தொடர்களின் அழகிய காட்சியை வழங்குகிறது.