உலகிலேயே உயரத்தில் இருக்கும் சிவன் கோயில் இதுதான்! இந்தியாவில் எங்கு இருக்கிறது தெரியுமா?

இந்த ஆலயம் ஒரு புனிதத் தலமாகவும், பிரமிக்க வைக்கும் சுற்றுலாத் தலமாகவும் விளங்குகிறது. இங்கு ஆண்டு முழுவதும் சுற்றுலா பயணிகளும் பார்வையாளர்களும் திரளுகின்றனர்.

உலகின் மிக உயரமான சிவன் கோயில் இதுதான்! இந்தியாவில் எங்கு இருக்கிறது தெரியுமா?Twitter

Published on:

25 May 2023, 4:30 am

உலகின் மிக உயரமான சிவன் கோவிலான துங்கநாத் கோயில் 5 முதல் 6 டிகிரி வரை சாய்ந்துள்ளதாக, இந்திய தொல்லியல் துறையின் (ஏஎஸ்ஐ) சமீபத்திய ஆய்வு தெரிவித்துள்ளது.

இந்திய தொல்லியல் துறையின் (ஏஎஸ்ஐ) சமீபத்திய ஆய்வின்படி, உத்தரகாண்டின் புகழ்பெற்ற துங்கநாத் கோயில் 5 முதல் 6 டிகிரி சாய்ந்து இருப்பது கண்டறியப்பட்டுள்ளது.

இமயமலையின் கர்வால் பகுதியில் உள்ள ருத்ரபிரயாக் மாவட்டத்தில் அமைந்துள்ள இந்த கோவில் கடல் மட்டத்திலிருந்து 12,800 அடி உயரத்தில் அமைந்துள்ளது. இதனால் இக்கோவில் உலகின் உயரமான சிவன் கோவில் ஆக அறியப்படுகிறது

தற்போதைய நிலவரப்படி, ஏஎஸ்ஐ அதிகாரிகள் இந்த கோவில் குறித்து மத்திய அரசுக்குத் தெரிவித்து, பாதுகாக்கப்பட்ட நினைவுச்சின்னமாக சேர்க்க பரிந்துரைத்துள்ளனர்.

இதை தேசிய முக்கியத்துவம் வாய்ந்த நினைவுச்சின்னமாக அறிவிக்கும் நடவடிக்கையையும் அரசாங்கம் தொடங்கியுள்ளது.

அதுமட்டுமின்றி கோவில் சாய்ந்து வருவதால், அதை சோதிக்கவும் தனி குழு ஒன்று உருவாக்கப்பட்டு வருகிறது.

வியட்நாமில் மாரியம்மன் கோவில் இருக்கா? வியக்க வைக்கும் வரலாறு!