Milky Way
ஆனால் இதுநாள் வரை இதன் இருப்பு ஒரு அனுமானமாக கருதுகோளாக மட்டுமே இருந்தது.
மேற்கு ஆஸ்திரேலியாவில் உள்ள முர்ச்சிசன் வைட்ஃபீல்ட் வரிசை தொலைநோக்கியைப் பயன்படுத்தி இந்த பொருள் கண்டுபிடிக்கப்பட்டது. இந்த பொருள், 2018 ஆம் ஆண்டில் இரண்டு மாதங்களில் பூமியிலிருந்து பார்க்கும்போது, ஒவ்வொரு 18 நிமிடங்களுக்கும் ஒரு முறை பெரிய ஆற்றல் வெடிப்பைக் கட்டவிழ்த்துவிட்டதாக ஆராய்ச்சியாளர்கள் தெரிவித்தனர்.
இது "அல்ட்ரா-லாங் பீரியட் காந்தம்" என்று அழைக்கப்படும் முதல் அறியப்பட்ட சான்று என்று அவர்கள் கூறினர். இது பலவிதமான நியூட்ரான் நட்சத்திர வகைகளில் ஒன்றாகும். இது சூப்பர் நோவாகா வெடித்த ஒரு பெரிய நட்சத்திரத்தின் சிறிய மையமாகும். இது தன்னளவில் மிகவும் காந்தமாக்கப்பட்டு ஒப்பீட்டளவில் மெதுவாகச் சுழலும்.
பூமியில் இருந்து பார்த்தால் பல்சார்கள் எனப்படும் வேகமாகச் சுழலும் நியூட்ரான் நட்சத்திர பொருளாகும். மேலும் இதை பூமியில் இருந்து பார்க்கும் போது நுண்விநாடியில் தெரிந்து மறைகிறது.
ஆஸ்திரேலியாவில் உள்ள சர்வதேச வானொலி வானியல் ஆராய்ச்சி மையத்தின் (ICRAR) கர்டின் பல்கலைக்கழக முனையில் வானொலி வானியலாளர் நடாஷா ஹர்லி-வாக்கர் கூறுகையில், "இது பிரபஞ்சம் இன்னும் ஆச்சரியங்களால் நிறைந்துள்ளது என்பது மனதைக் கவரும் வகையில் காட்டுகிறது என்று புகழ்பெற்ற அறிவியல் சஞ்சிகையான நேச்சர் இதழில் கூறியிருக்கிறார்.
Milky Way
இந்தப் பொருள் அதன் வடக்கு மற்றும் தென் துருவங்களிலிருந்து தொடர்ந்து வலுவான ரேடியோ அலைகளை வீசுகிறது. அந்தப்பொருள் பூமியின் சௌகரியமான நிலையில் இருந்து பார்த்தால் அதன் ஒளிக்கற்றை ஒவ்வொரு 18 நிமிடங்களுக்கு ஒரு முறை எரிகிறது. சுமார் 30-60 வினாடிகளுக்கு பிறகு மறைந்து போகிறது.
இது ஒரு சுழலும் ஒளியுடன் கூடிய கலங்கரை விளக்கத்தைப் போன்ற ஒரு விளைவு ஆகும்.
வானொலி அலைகளின் வான ஆதாரங்களை வரைபடமாக்கும் ஒரு பரந்த ஆராய்ச்சி முயற்சியில் இது கண்டறியப்பட்டது. "இது முற்றிலும் புதிய வகையான ஆதாரமாகும், இது இதுவரை யாரும் பார்த்திராதது" என்று ஹர்லி-வால்கர் கூறினார்.
"இது ஒரு வானவியலாளருக்கு ஒருவித பயமாக இருந்தது, ஏனென்றால் வானத்தில் அவ்வாறு நடப்பது எதுவும் தெரியாது. அது உண்மையில் நமக்கு மிக அருகில் உள்ளது... இது நமது விண்மீன் கொல்லைப்புறத்தில் உள்ளது.”
"மேலும் பால்வீதியில் மெதுவாகச் சுழலும் நியூட்ரான் நட்சத்திரங்கள் நிறைந்திருக்க வேண்டும் என்பது நமக்குத் தெரியும், இது போன்ற பிரகாசமான ரேடியோ உமிழ்வை உருவாக்க முடியும் என்று யாரும் எதிர்பார்க்கவில்லை. முற்றிலும் எதிர்பாராத மற்றும் ஆச்சரியமான ஒன்றைக் கண்டுபிடிப்பது ஒரு கனவைப் போலுள்ளது".
இது அண்டத்தின் அடிப்படையில் பூமிக்கு மிக அருகில் அமைந்துள்ளது, தோராயமாக 4,200 ஒளி ஆண்டுகள் - ஒளி ஒரு வருடத்தில் பயணிக்கும் தூரம், 9.5 டிரில்லியன் கிமீ - தொலைவில் உள்ளது.
"இது ஒளிரும் போது நம்பமுடியாத அளவிற்கு பிரகாசமாக இருக்கிறது. இது வானத்தில் உள்ள பிரகாசமான வானொலி ஆதாரங்களில் ஒன்றாகும்" என்று ஆய்வின் இணை ஆசிரியர் டைரோன் ஓ'டோஹெர்டி கூறினார். இவர் இந்தப் பொருளைக் கண்டுபிடித்த கர்டின் ICRAR முனைவர் பட்டபடிப்பு மாணவர்.
இது "டிரான்சிண்ட்ஸ்" எனப்படும் ஒரு வகைக்குள் பொருந்துகிறது. இவை குறைந்த நேரத்திற்கு இயக்கப்படும் வானியற்பியல் பொருள்கள். ஒரு சூப்பர்நோவா போன்ற "மெதுவான நிலையற்றவை" திடீரென்று தோன்றி சில மாதங்களுக்குப் பிறகு நட்சத்திர வெடிப்பு சிதறும்போது மறைந்துவிடும்.
வெள்ளை குள்ளன்
பல்சர்கள் எனப்படுபவதை வேகத்தோடு நிலையற்ற தன்மை கொண்டவை. இது வேகமாக ஒளிருவதோடு வேகமாக அணைந்து விடும். இந்த இரண்டு எதிர்நிலை உச்சங்களுக்கு இடையே உள்ள இடைநிலைகள் இப்போது வரை தெளிவற்றதாகவே உள்ளன.
பல்சர்கள் உட்பட நியூட்ரான் நட்சத்திரங்கள் பிரபஞ்சத்தின் அடர்த்தியான பொருட்களில் அடங்கும். அவை தோராயமாக 7.5 மைல்கள் (12 கிமீ) விட்டம் கொண்டவை - ஒரு நகரத்தின் அளவைப் போன்றது. ஆனால் நமது சூரியனை விட அதிக நிறை கொண்டது. ஒரு தீவிர காந்தப்புலம் கொண்ட ஒரு நியூட்ரான் நட்சத்திரம், ஒரு காந்தம், ரேடியோ துடிப்புகளுக்கு ஆற்றலை அளிக்கும் என்று ஆராய்ச்சியாளர்கள் தெரிவித்தனர்.
கர்டின் ICRAR கணு வானியற்பியலாளரும் ஆய்வு இணை ஆசிரியருமான ஜெம்மா ஆண்டர்சனின் கூற்றுப்படி, அதன் சுழற்சி மிகவும் மெதுவாக உள்ளதற்கு காரணம் அது மிகவும் பழமையானதாகவும் காலப்போக்கில் மெதுவாக செயல்படுவதாகவும் இருக்கலாம்.
இது வெள்ளை குள்ளன் என்று அழைக்கப்படும் மற்றொரு வகை இறந்த நட்சத்திரமாக இருக்கலாம் அல்லது முற்றிலும் தெரியாத ஒன்றாக இருக்கலாம் என்று ஹர்லி-வால்கர் கூறினார்.
2018 முதல் ஆராய்ச்சியாளர்கள் அதைக் கண்டறியவில்லை.
"இந்தப் பொருளை நாங்கள் இப்போது பல ரேடியோ தொலைநோக்கிகளைப் பயன்படுத்தி கண்காணித்து வருகிறோம், அது மீண்டும் 'ஆன்' ஆகிவிடும் என்ற நம்பிக்கையில் காத்திருக்கிறோம்" என்று ஆண்டர்சன் கூறினார்.
ஒரு நியூட்ரான் நட்சத்திரம் அல்லது வெள்ளைக் குள்ளன் போன்ற பொருள் என்னவாக இருக்கும் என்பதைப் பற்றிய கோட்பாடுகள் - சரிந்த நட்சத்திரத்தின் எச்சங்களைக் குறிக்கப் பயன்படுத்தப்படும் சொல். இருப்பினும், கண்டுபிடிப்பின் பெரும்பகுதி ஒரு மர்மமாகவே உள்ளது.
"இது ஒரு அரிய நிகழ்வா அல்லது இதற்கு முன் நாம் கவனிக்காத புதிய கூட்டுப் பொருளா என்பதை மேலும் கண்டறியும் போது அது வானியலாளர்களுக்குச் புரியலாம்" என்று டாக்டர் ஹர்லி-வால்கர் கூறினார். "இந்தப் பொருளைப் புரிந்து கொள்வதற்கும், மேலும் தேடலை விரிவுபடுத்துவதற்கும் ஆவலுடன் காத்திருக்கிறேன்." என்றும் அவர் கூறினார்.
நாமும் இந்த அண்டவியலின் புதிர்கள் ஒவ்வொன்றாக கண்டுபிடிக்கப்படும் செய்திக்காக காத்திருக்கிறோம்.
