சென்னை: ஜூன் மாதத்திலேயே வெளுத்து வாங்கும் மழை - வழக்கத்திற்கு மாறான வானிலைக்கு காரணமென்ன?

கடந்த 27 ஆண்டுகளில் இல்லாத அளவுக்கு சென்னையில் ஜூன் மாதத்தில் மழை பெய்து வருகிறது. ஜூன் மாதம் மட்டுமே அதிக வெயிலுக்காகவும் கன மழைக்காகவும் பள்ளிகளுக்கு விடுமுறை அளிக்கப்பட்டுள்ளது. வழக்கத்திற்கு மாறான வானிலைக்கு காரணமென்ன?

சென்னை: ஜூன் மாதத்திலேயே வெளுத்து வாங்கும் மழை - வழக்கத்திற்கு மாறான வானிலைக்கு காரணமென்ன?Twitter

கடந்த இரண்டு நாட்களாக சென்னை மற்றும் அதனை சுற்றியுள்ள பகுதிகளில் மழை வெளுத்து வாங்கி வருகிறது.

வழக்கமாக நவம்பர் - டிசம்பர் மாதத்தில் கொட்டி தீர்க்கும் மழையானது ஜூன் மாதமே தொடங்கியிருக்கிறது.

கடந்த 27 ஆண்டுகளில் இல்லாத அளவுக்கு சென்னையில் ஜூன் மாதத்தில் மழை பெய்து வருகிறது.

ஜூன் மாதம் மட்டுமே அதிக வெயிலுக்காகவும் கன மழைக்காகவும் பள்ளிகளுக்கு விடுமுறை அளிக்கப்பட்டுள்ளது.

நேற்று சென்னையில் அதிகபட்சமாக விமான நிலையத்தில் 16 செ.மீ. மழை பதிவாகியுள்ளது. தரமணியிலும் ஆலந்தூரிலும் 14 செ.மீயும், செம்பரம்பாக்கத்தில் 13 செ.மீயும் அண்ணா பல்கலைக்கழகத்தில் 10 செ.மீ. மழையும் பதிவாகியுள்ளது.

சென்னை மட்டுமின்றி கடலோர மாவட்டங்கள், டெல்டா மாவட்டங்கள் என தமிழகத்தின் பல்வேறு பகுதிகளில் மழை பதிவாகியுள்ளது.

மழைTwitter

இந்த மழைக்குக் காரணம் என்ன?

தற்போது பெய்து வரும் மழைக்கு வளிமண்டல மேலடுக்குச் சுழற்சியே காரணம் என சென்னை வானிலை ஆய்வு மையம் தெரிவித்துள்ளது.

தென்கிழக்கு வங்கக் கடல் பகுதியில், காற்று தென் பகுதியிலிருந்து வடபகுதியை நோக்கி சென்றபோது காற்றின் வேகம் அதிகரித்து, வளிமண்டல மேலடுக்கு சுழற்சி உருவானது.

இதன் காரணமாகவே கடந்த 2 நாட்களாக மழை நீடித்து வருகிறது. அடுத்து வரும் 24 மணி நேரத்திற்கு திருவள்ளூர், சென்னை, செங்கல்பட்டு, காஞ்சிபுரம், டெல்டா மாவட்டங்கள், திருவண்ணாமலை, ராணிப்பேட்டை, விழுப்புரம், மயிலாடுதுறையில் ஓரிரு இடங்களில் கன மழை பெய்யக்கூடும் என்று வானிலை ஆய்வு மையம் தெரிவித்திருக்கிறது.

வைர மழை பொழியும் இந்த இடம் குறித்து தெரியுமா? - விஞ்ஞானிகள் சொல்லும் ஆச்சர்ய தகவல்

மழைTwitter

73 ஆண்டுகளில் ஒரே நாளில் அதிக மழை

தமிழ்நாட்டில் பொதுவாக ஜூன் மாதத்தில் மிகக் குறைவாகவே மழை பெய்யும். இது தென்மேற்குப் பருவமழைக் காலம் என்பதால், மேற்குத் தொடர்ச்சி மழையின் மேற்கு பகுதியிலேயே அதிக மழை பெய்யும்.

ஆனால், சென்னையில் ஜூன் மாதத்தைப் பொறுத்தவரை கடந்த 73 ஆண்டுகளில் ஒரே நாளில் அதிக மழை பெய்த நாட்களின் பட்டியலில் இந்த ஜூன் 19ஆம் தேதியும் இடம்பெற்றுள்ளது.

சென்னை மீனம்பாக்கத்தைப் பொருத்தவரை கடந்த 73 ஆண்டுகளில் இரண்டாவது அதிகபட்ச மழை பெய்துள்ளது. இதற்கு முன்பாக 1996ல் 282.2 மி.மீ மழை பதிவானது. தற்போது கடந்த 24 மணி நேரத்தில் 158.2 மி.மீ பதிவாகியுள்ளது.

பாலைவனத்தில் கூட மழை பெய்யும் இங்கு பெய்யாது! - விசித்திர கிராமத்தின் பின்னணி என்ன?