மதுரையில் நடந்த ‘ஹேப்பி ஸ்ட்ரீட்’ நிகழ்ச்சி பாதியிலேயே நிறுத்தம் - என்ன நடந்தது?

மதுரை மாநகராட்சி நிர்வாகம் சார்பில் நேற்று ‘ஹேப்பி ஸ்ட்ரீட்’ நிகழ்ச்சி நடைபெற்றது. சரியான முன்னேற்பாடு வேலைகள் செய்யாத காரணத்தினால் பாதியிலேயே நிகழ்ச்சி நிறுத்தப்பட்டது.

சென்னை உள்ளிட்ட பல இடங்களில் ‘ஹேப்பி ஸ்ட்ரீட்’ நிகழ்ச்சி நடத்தப்பட்டு வருகிறது. இதில் ஏராளமான மக்கள் ஆர்வத்துடன் பங்கேற்கின்றனர். அந்த வகையில் மதுரை மாநகராட்சி சார்பில் "WOW MADURAI" என்ற தலைப்பில் ‘ஹேப்பி ஸ்ட்ரீட்’ நிகழ்ச்சி நேற்று நடத்தப்பட்டது.

இதில் ஆடல், பாடல், சிலம்பம் என பல்வேறு தனி திறமையை வெளிபடுத்தும் நிகழ்ச்சிகளுக்கு ஏற்பாடு செய்யப்பட்டிருந்தது.

மதுரை அண்ணாநகர் சாலையில் நடத்தப்பட்ட நிகழ்ச்சிக்காக வாகனங்கள் வேறு வழியில் திருப்பி விடப்பட்டன. இந்நிகழ்ச்சியை காண ஏராளமான மக்கள் குவிந்திருந்தனர்.

அமைச்சர்கள் பி.மூர்த்தி, பழனிவேல் தியாகராஜன், மேயர் இந்திராணி, ஆட்சியர் சங்கீதா, ஆணையர் பிரவீன்குமார் ஆகியோர் பங்கேற்றனர்.

நடிகர் சூரி கூட இந்த ‘ஹேப்பி ஸ்ட்ரீட்’ நிகழ்ச்சியில் கலந்துகொண்டார். மேடையில் கலை நிகழ்ச்சிகள் தொடங்கும் என மக்கள் எதிர்பார்த்த நிலையில் கடும் நெரிசல் ஏற்படத் தொடங்கியது.

இந்த நிகழ்ச்சியைக் காண 30 ஆயிரத்துக்கும் மேற்பட்ட மக்கள் திரண்டிருந்தனர். ஆனால், அவர்களை ஒருங்கிணைக்கவும், கூட்டத்தைக் கட்டுப்படுத்தவும் போதுமான ஏற்பாடுகளை மாநகராட்சி செய்யவில்லை. இவ்வளவு கூட்டம் வரும் என்று யாரும் எதிர்பார்க்கவும் இல்லை.

ஒரு கட்டத்தில் நெரிசல் அதிகரித்து தள்ளு முள்ளு ஏற்பட்டது. இந்த நெரிசலில் சிக்கிய சிலர் மயங்கி விழுந்தனர். போலீஸாரும் கூட்டத்தைக் கட்டுப்படுத்த முடியாமல் திணறினர்.

இதனால் உடனடியாக நிகழ்ச்சியை முடிக்கும்படி போலீஸார் அதிகாரிகளிடம் கேட்டுக் கொண்டனர். அதனால், காலை 7 மணி முதல் காலை 10.30 ணி வரை நடைபெறுவதாக அறிவிக்கப்பட்ட நிகழ்ச்சி 8.30 மணிக்குள் பாதியிலேயே நிறுத்தப்பட்டது

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust