marriageTwitter

மாதம் ஒரு பீட்சா, பார்ட்டியில் நல்ல ஃபோட்டோ - திருமணம் செய்ய இப்படியெல்லாம் கண்டிஷன்களா?

அந்த கண்டிஷன்கள் ஒரு பெரிய அலங்கரிக்கப்பட்ட அட்டையில் எழுதப்பட்டிருந்தது. அதில், மனைவி தினமும் சேலைதான் கட்ட வேண்டும் என்பது முதல் மாதத்தில் ஒரு பீட்சாவுக்கு மட்டுமே சாப்பிட அனுமதி வரை பல கண்டிஷன்கள் இருந்தது.

Published on:

12 Jul 2022, 10:19 am

திருமணம் என்றாலே பல கனவுகள் நிறைந்திருக்கும். தங்களின் வருங்கால கணவர் அல்லது மனைவி எப்படியெல்லாம் இருக்க வேண்டும் என்று பல ஆசைகள் இருக்கும். அது காதல் திருமணமாக இருந்தாலும் சரி, வீட்டில் பார்த்து நடத்தி வைக்கும் திருமணமாக இருந்தாலும் சரி.

ஆனால் அந்த ஆசைகளை எல்லாம் கண்டிஷன்களாக கூறினால்? கூறுவதோடு மட்டும் விடாமல் அதில் கையெழுத்து வாங்கினால்?

ஆம் அப்படி தான் இங்கு ஒரு ஜோடி விநோத கண்டிஷன்கள் போட்டு இணையத்தில் வைரலாகி வருகின்றனர்.

அசாம் மாநிலத்தைச் சேர்ந்தவர் மின்டு. இவருக்கும் சாந்தி என்ற பெண்ணுக்கும் சமீபத்தில் திருமணம் நடைபெற்றது.

இந்தத் திருமணத்தின் போது மணமகனும், மணமகளும் ஒரு ஒப்பந்தத்தில் கையெழுத்திட்டுக் கொண்டனர்.

ஒரு பெரிய அலங்கரிக்கப்பட்ட அட்டையில் சில கண்டிஷன்கள் எழுதப்பட்டிருந்தது. அதில் மணமகனும், மணமகளும் கையெழுத்திடுகின்றனர். அந்த வீடியோவை அவர்கள் தங்களின் இன்ஸ்டாகிராம் பக்கத்தில் பகிர்ந்துள்ளனர்.

எனக்கு 18, அவளுக்கு 28 : அதிக வயது இடைவெளியில் திருமணம் - உளவியல் ரீதியாக பிரச்னை வருமா?