பிரபல ஹாலிவுட் நடிகர் ஜானி டெப் நடிப்பில் வெளியான படங்கள் பைரேட்ஸ் ஆஃப் தி கரீபியன். இந்த படத்தில் நடித்திருந்த கேப்டன் Jack Sparrow கதாபாத்திரம் உலக ஃபேமஸ், மேலும் இவருக்கு அதிக ரசிகர்களை சம்பாதித்து தந்த கதாபாத்திரமும் கூட.
இந்த கதாபாத்திரத்தை வைத்து நம் வாழ்வில் நடக்கும் நிறைய விஷயங்களுக்கு மீம் டெம்ப்ளேட்கள் எல்லாம், ஒரு காலத்தில் வைரலானது.
பின் சற்றே குறைந்திருந்த ஜானி டெப் குறித்த பேச்சுக்கள் சமீபத்தில் நடந்து முடிந்த ஆம்பர் ஹெர்ட் வழக்கின் போது மீண்டும் பேசு பொருளானது.
2018ல் ஆம்பர் ஹெர்ட் ஜானி டெப் குறித்து ஒரு பத்திரிக்கையில் கூறியிருந்த கருத்தினால், டெப் பைரெட்ஸ் ஆஃப் தி கரீபியன் 6வது பாகத்திலிருந்து நீக்கப்பட்டார்.
இதன் பொருட்டு இவரது முன்னாள் மனைவி ஆம்பர் ஹெர்ட் மீது ஜானி அவதூறு வழக்கு தொடர்ந்தார். வழக்கு விசாரணை உலகையே திரும்பிப் பார்க்க செய்தது. இந்த வழக்கின் விசாரணை தொடரத் தொடர, ஜானி டெப் மீது தவறு இல்லை என்பது மீண்டும் மீண்டும் நிரூபணம் ஆகும் வண்ணம் பல நிகழ்வுகள் நடந்தது.
ஜானி அந்த பத்திரிக்கை செய்திக்கு பின் இழந்த ரசிகர்கள் எல்லாம் அவர் பக்கம் திரும்பினர்.
விசாரணை முடிவுக்கு வந்து, நீதிமன்றம் ஆம்பர் ஜானிக்கு 10.35 டாலர்கள் நஷ்ட ஈடு வழங்கவேண்டும் என்று தீர்ப்பளித்தது.
தற்போது பைரேட்ஸ் ஆஃப் தி கரீபியன் படக்குழு, அடுத்த பாகத்தில் மீண்டும் ஜானியை நடிக்க வைக்க முயற்சிகள் செய்து வருகிறது.
இந்நிலையில், வெளிநாட்டில் ஒருவர் பைரேட்ஸ் ஆஃப் தி கரீபியன் படத்தில் இவர் நடித்திருந்த கேப்டன் Jack Sparrow கதாபாத்திரத்தை அணிந்து பிச்சை எடுப்பது போன்ற வீடியோ ஒன்று இணையதளத்தில் வைரலாகி வருகிறது.
இவர் கையில் ஒரு பொம்மை துப்பாக்கி வைத்திருக்கிறார். இவர் அந்த படத்தில் ஜானி டெப் எப்படி நடித்திருந்தாரோ அது போலவே பாவனைகள் காட்டுகிறார்
சாலையில் டிராபிக் சிக்னல் அருகில் வேடமணிந்து நின்றுகொண்டிருக்கும் இவர் ஒரு கார் அந்த வழியாக வரும்போது கையில் இருந்த பொம்மை துப்பாக்கியை காரில் இருந்தவர்களிடம் காட்டுகிறார். அதன் பின்னர் தன் தொப்பியை அந்த காரில் இருந்தவர்களிடம் நீட்டுகிறார்.
காரில் இருப்பவர்கள் பணத்தை அந்த தொப்பியில் போட்ட பின்னர் அவர் நன்றி சொல்லி நகர்ந்து செல்கிறார்.
இதை அந்த காரில் அமர்ந்திருந்தவர்கள் வீடியோ எடுத்து பகிர, இணையத்தில் வைரலாகி வருகிறது. "இவரது முயற்சிக்காகவே 100 டாலர் நான் கொடுத்திருப்பேன்" என்று ஒருவர் பதிவிட்டிருந்தார்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
