மனிதர்கள் 2 கால்களில் நடக்க தொடங்கியது தரையில் இல்லையா? - அறிவியல் சொல்லும் ஆச்சரிய தகவல்

மனிதர்கள் குரங்குகளுக்கு மத்தியில் தனியாக ஏன் முதலில் இரண்டு கால்களில் நடக்க ஆரம்பித்தார்கள் என்பது இன்னும் மர்மமாகவே உள்ளது என்று ஆராய்ச்சியாளர்கள் கூறுகின்றனர்.

Human evolutionTwitter

Published on:

23 Dec 2022, 9:37 am

மனித பரிணாமத்தின் கதை இந்த கிரகத்தின் மிகப்பெரிய மர்மங்களில் ஒன்றாகவே இருக்கிறது.

குரங்கிலிருந்து மனிதன் வந்தது முதல் அவர்களின் வாழ்க்கை முறையில் நடந்த பல்வேறு சுவாரஸ்யமான விஷயங்கள் இந்த பரிணாமத்தின் கதையில் உள்ளது.

மனிதர்கள் இரண்டு கால்களில் நடக்கக் கற்றுக்கொண்டது நிலத்தில் அல்ல என்று ஆராய்ச்சியாளர்கள் தற்போது கண்டுபிடித்துள்ளனர்.

ஓநாய், குரங்கு, கோழியால் வளர்க்கப்பட்ட குழந்தைகள்: மிருகங்களாகவே மாறிய மனிதர்களின் கதை!

மனிதனின் இரு கால்கள்

இரண்டு கால்களில் நிமிர்ந்து நடப்பது மனிதர்களின் ஒரு தனித்துவமான அம்சமாகும்.

கிரகத்தில் உள்ள மற்ற உயிரினங்களிலிருந்து மனித இனத்தை பிரிக்கும் இந்த தனித்துவமான நடத்தை மாற்றத்தை டிகோட் செய்வதில் ஆராய்ச்சியாளர்கள் நீண்ட காலமாக ஆர்வமாக உள்ளனர்.

சயின்ஸ் அட்வான்சஸ் இதழில் வெளியிடப்பட்ட ஒரு ஆய்வில், கிழக்கு ஆப்பிரிக்க பிளவுப் பள்ளத்தாக்கு பகுதியில் மேற்கு தான்சானியாவின் இசா பள்ளத்தாக்கில் வாழும் காட்டு சிம்பன்சிகளின் நடத்தைகளை ஆராய்ச்சியாளர்கள் ஆராய்ந்தனர்.

சிம்பன்சிகளின் வாழ்விடம் நமது ஆரம்பகால மனித மூதாதையர்களின் வாழ்விடத்தைப் போலவே உள்ளது.

இசா சிம்பன்சிகள் அவற்றின் வாழ்விடங்களைப் பொருத்து தரையில் அதிக நேரம் செலவழிக்கிறதா என்பதைக் கண்டுபிடிப்பதை இந்த ஆய்வு நோக்கமாகக் கொண்டுள்ளது.

இசா சிம்பன்சிகள், அடர்ந்த காடுகளில் வாழும் மற்ற சிம்பன்சிகளைப் போல அதிக நேரம் மரங்களில் தங்கியிருப்பதையும், திறந்தவெளி வாழ்விடங்கள் இருந்தபோதிலும், அவை நிலப்பரப்பில் இல்லை என்பதையும் ஆராய்ச்சியாளர்கள் கண்டறிந்தனர்.