இலங்கை ராணுவத்தால் தாக்கப்பட்ட பிபிசி தமிழ் நிருபர் ஜெரின் - என்ன நடந்தது?

நேற்று இரவு காலி முகத்திடலில் நடந்த சம்பவங்களைப் படம் பிடிக்கச் சென்ற நிருபரை இலங்கை ராணுவத்தினர் தாக்கி உள்ளனர்.

பிபிசி தமிழ் நிருபர் ஜெரின் Twitter

Published on:

22 Jul 2022, 7:39 am

இலங்கை ராணுவத்தால் தாக்கப்பட்ட பிபிசி தமிழ் நிருபர் ஜெரின் சாமுவேல் மருத்துவமனையில் அனுமதிக்கப்பட்டுள்ளார்.

கடந்த ஒரு மாதமாக பிபிசி தமிழின் நிருபர், புகைப்பட கலைஞர் ஜெரின் இலங்கையில் தங்கி அங்கு நடைபெறும் அரசியல் மாற்றங்கள் குறித்த தகவல்களை ரிப்போர்ட் செய்து வருகிறார்.

இப்படியான சூழலில் நேற்று இரவு காலி முகத்திடலில் நடந்த சம்பவங்களைப் படம் பிடிக்கச் சென்றவரை இலங்கை ராணுவத்தினர் தாக்கி உள்ளனர்.

அதோடு, ராணுவ வீரர் ஒருவர் அவருடைய கைப்பேசியைப் பறித்து, அதிலிருந்து வீடியோக்களை அழித்தார்.

ரணில் விக்ரமசிங்கே ஜனாதிபதியாகப் பதவிப் பிரமாணம் செய்துகொண்ட பிறகு இது நிகழ்ந்துள்ளது.

இது தொடர்பாக பிபிசி பகிர்ந்துள்ள செய்தியில், “பிபிசி செய்தியாளர்கள் மணிகண்டன், அன்பரசன் எத்திராஜன், ஜெரின் சாமுவேல் ஆகியோர் பிபிசி நேரலையில் செய்திகளை வழங்கிக் கொண்டிருந்தபோது, வீடியோ செய்தியாளர் ஜெரின் ராணுவத்தால் தாக்கப்பட்டார். அதோடு, ராணுவ வீரர் ஒருவர் அவருடைய கைப்பேசியைப் பறித்து, அதிலிருந்து வீடியோக்களை அழித்தார்.” எனக் குறிப்பிட்டுள்ளது.

இலங்கை: ரணில் விக்ரமசிங்கேவுக்கு எதிராக மக்கள் - கைப்பற்றப்படும் அரசு தொலைக்காட்சி