ஜப்பான் முயல்தீவு: இங்கே ஆயிரக்கணக்கான முயல்கள் குவிந்தது எப்படி? - ஓர் இருண்ட வரலாறு

கிழக்கு ஹிரோஷிமாவில் அமைந்துள்ள முயல் தீவு, நூற்றுக்கணக்கான காட்டு முயல்களால் ஆக்கிரமிக்கப்பட்டுள்ள ஒரு சிறிய நிலப்பகுதியாகும்.

அவை அங்கு இருக்கும் காடுகளிலும் வயல்களிலும் சுற்றித் திரிகின்றன. இந்த முயல் தீவை காண உலகம் முழுவதிலுமிருந்து சுற்றுலாப் பயணிகள் வருகை தருகின்றனர்.

பிரதான நிலப்பரப்பில் இருந்து 15 நிமிட படகு சவாரி மட்டுமே, இந்த தீவு, பிரபலமான சுற்றுலா தலமாக மாறி வருகிறது.

ஜப்பானிய ஏகாதிபத்திய இராணுவம் இரண்டாம் உலகப் போரின்போது ஆயிரக்கணக்கான டன் விஷ வாயுக்களை உற்பத்தி செய்த இடமாக இருந்த ஒரு சிறிய தீவில் இந்த முயல்கள் அனைத்தும் எவ்வாறு இங்கு வந்தது என்பது ஒரு மர்மமாக உள்ளது.

முயல்கள் தீவு என்று அழைக்க, வரலாற்றில் சில முக்கிய காரணங்கள் இருக்கலாம் என்று சிலர் நம்புகிறார்கள்.

தீவுக்கு கொண்டு வரப்பட்ட முயல்கள்

1929 ஆம் ஆண்டில், இராணுவம் இரசாயன ஆயுதங்களைத் தயாரிக்கத் தொடங்கியபோது, ​​முயல்கள் தீவுக்கு கொண்டு வரப்பட்டு விஷ வாயுவின் செயல்திறனை சோதிக்க பயன்படுத்தப்பட்டன என்று தி கார்டியன் தெரிவித்துள்ளது.

இது போரைத் தொடர்ந்து தொழிலாளர்கள், சிறைபிடிக்கப்பட்ட விலங்குகளை தீவில் விடுவித்திருக்கலாம் என்ற நம்பிக்கையை உருவாக்கியது.

முயல்கள் கருணைக்கொலை

பெரும்பாலான நிபுணர்கள் இந்த நிகழ்வுகளின் பதிப்பை ஏற்கவில்லை. கலிபோர்னியா சான் டியாகோ பல்கலைக்கழகத்தின் ஜப்பானிய அரசியல் பேராசிரியரான எல்லிஸ் க்ராஸ், 2014 ஆம் ஆண்டு தி டோடோ என்ற இணையதளத்திற்கு அளித்த பேட்டியில், போருக்குப் பிறகு முயல்கள் அழிக்கப்பட்டன என்று கூறினார்.

மேலும் சோதனை முயல்கள் அனைத்தும் அமெரிக்கர்களால் கருணைக்கொலை செய்யப்பட்டன என்று க்ராஸ் கூறினார்.

அவை சோதனை முயல்கள் இல்லையென்றால், இவ்வளவு முயல்கள் எங்கிருந்து வந்தன?

1971-ம் ஆண்டு இங்கே சுற்றுலா வந்த பள்ளி மாணவர்கள், தாங்கள் கொண்டு வந்த 8 முயல்களை அப்படியே விட்டுச் சென்றுவிட்டார்களாம். அந்த முயல்கள் குட்டி போட்டுப் பெருகிவிட்டன என்கிறார்கள்.

முயல்கள் இந்தத் தீவுக்கு எப்படி வந்தன என்பதற்கான உண்மையான காரணம் இதுவரை தெரியவில்லை.

முயல் தீவில் நாய்களுக்கும் பூனைகளுக்கும் மட்டும் அனுமதி கிடையாதாம். முயல்களைக் காப்பாற்றுவதற்காகவே இந்தக் கட்டுப்பாடு விதிக்கப்பட்டிருக்கிறது.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust