பூட்டியிருந்த வீட்டிற்குள் நுழைந்து குளித்து, உணவருந்தி, படுத்து உறங்கிய குற்றத்திற்காக ஃப்லோரிடாவை சேர்ந்த ஒருவர் கைது செய்யப்பட்டுள்ளார்.
பூட்டியிருக்கும் வீடுகளை குறிவைத்து, பொருட்கள், நகைகளை திருடுபவர்கள் பற்றி நாம் நிறைய கேள்விப்பட்டிருப்போம். ஆனால், இங்கு ஒருவர் வித்தியாசமாக, பூட்டியிருந்த வீட்டை உடைத்து ஆயாசமாக ஓய்வெடுத்திருக்கிறார்.
விடுமுறை காலங்களில் வாடகைக்கு விடப்படும் வீடு அது. சகாரி சேத் முர்டொக் என்ற அந்த நபர், வீட்டின் வராண்டாவில் பொருத்தப்பட்டிருந்த கண்ணாடி கதவை உடைத்து, உள்ளே நுழைந்துள்ளார்.
பிறகு, அங்கு விருந்தாளிகள் பயன்பாட்டிற்கு வைக்கப்பட்டிருக்கும் பாத் டப்பில் குளித்துவிட்டு, காபி தயாரித்து குடித்திருக்கிறார். பின்னர் சற்று நேரம் அங்கேயே படுத்து உறங்கிவிட்டு சென்றிருக்கிறார்.
காவல் துறைக்கு தகவல் அளிக்கப்பட்டு அவர்கள் அங்கு வந்தபோது அந்த நபர் தப்பி சென்றுவிட்டார். அவர் அருந்திய காபி கப், வீட்டின் பின்புறமுள்ள வராண்டாவிலேயே வைத்துவிட்டு, அவரது பஸ் டிக்கெட் போன்றவற்றை அங்கிருந்த குப்பைத் தொட்டியில் விட்டு சென்றிருக்கிறார்.
இவற்றை வைத்து சகாரியை ட்போலீசார் தேடிப்பிடித்தனர். சகாரி குறித்து அக்கம்பக்கத்தில் விசாரணை மேற்கொண்டபோது, அதே ஏரியாவில், மற்றொரு வீட்டில் அவர் திருட முயற்சித்தது தெரியவந்துள்ளது.
அந்த வீட்டின் ஜன்னலை அவர் உடைக்க முயன்றப்போது வீட்டில் இருந்த பெண் இவரை கவனித்திருக்கிறார். என்ன செய்கிறீர்கள் என கேட்டபோது, நண்பனை தேடி வந்தேன் எனக் கூறிவிட்டு, கனப்பொழுதில் அங்கிருந்து தப்பியுள்ளார்.
வீட்டின் உரிமையாளர் கொடுத்த அடையாளங்களை வைத்து, திருட வந்த நபர் சகாரி தான் என நிரூபிக்கப்பட்ட நிலையில் திருட்டு மற்றும் உடைமைகளை சேதப்படுத்துதல் ஆகிய குற்றங்களுக்காக அவரை ஃப்லோரிடா காவல் துறை கைது செய்தது.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
