போபால் பாந்தவ்கர் தேசிய பூங்காவில் 1,500 ஆண்டுகள் பழமையான பாறை ஓவியம் மற்றும் 1,800-2,000 ஆண்டுகள் பழமையான, மனிதனால் உருவாக்கப்பட்ட நீர்நிலைகளை தொல்பொருள் ஆராய்ச்சியாளர்கள் கண்டுபிடித்துள்ளனர்.
தற்போது இருக்கும் புலி மண்டலம் பழைய வர்த்தகப் பாதையின் ஒரு பகுதியாக இருந்ததாக ASI ( Archaeological Survey of India) கூறுகிறது.
"உயரத்தில் கட்டப்பட்ட மற்றும் மழைநீரை சேகரிக்க பயன்படுத்தப்படும் நீர்நிலைகளின் இருப்பு ஒரு நவீன சமுதாயத்தை குறிக்கிறது.
நீர்நிலைகள் 1,800-2,000 ஆண்டுகள் பழமையானதாக இருக்கலாம், ஆனால் 1,000 ஆண்டுகளுக்கு முன்பு சில சீரமைப்புகள் இருந்ததாக சான்றுகள் தெரிவிக்கின்றன" என்று ASI அதிகாரி கூறினார்.
பாந்தவ்கரில் மேலும் மேலும் தொல்பொருள் பொக்கிஷங்கள் கண்டுபிடிக்கப்பட்டு வருகின்றன.
இப்போது பாந்தவ்கர் என்று அழைக்கும் பகுதி முன்பு வர்த்தகப் பாதையின் ஒரு பகுதியாகும். இந்த வழியாகச் செல்லும் வணிகர்கள் இங்கு தஞ்சம் அடைவார்கள் என்று கூறப்படுகிறது.
பொதுவாக, இத்தகைய பாறைக் கலைகள் இயற்கையான குகைகள் அல்லது மேலடுக்குகளில் காணப்படுகின்றன. பாறை ஓவியம் இப்பகுதியில் முதன்முறையாக கண்டுபிடிக்கப்பட்டுள்ளது.
இது வரலாற்று கால ஓவியம் அல்ல, ஆனால் தோராயமாக 1,500 ஆண்டுகள் பழமையானதாக இருக்கலாம் என்று கணிக்கப்பட்டுள்ளது. இந்த ஓவியம் குறித்து ஆய்வு செய்யப்பட்டு வருகிறது. இது ஒரு விலங்கை சித்தரித்திருக்கலாம் என்று குறிப்பிடப்பட்டுள்ளது.
பாந்தவ்கரின் தாலா மலைத்தொடரில் இரண்டாம் கட்ட ஆய்வின் போது பதினொரு வெட்டப்பட்ட பாறை குகைகள் கண்டுபிடிக்கப்பட்டன. ஏப்ரல் 1-ம் தேதி தொடங்கிய இந்த கணக்கெடுப்பு ஜூன் 30-ம் தேதி வரை நடைபெறும் என்று தெரிவிக்கப்பட்டுள்ளது.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust