அமேசான் ஆன்லைன் ஷாப்பிங் தளம் தான் இப்போது டாக் ஆஃப் தி டவுன். ஏனென்றால், அங்கு விற்கப்படும் ஒரு பாத்ரூம் வாளியின் விலை ரூபாய் 25,999/-. ஆம், நீங்கள் படித்தது சரிதான். முந்தய காலங்களில் ஷாப்பிங்க் என்பது மிக மிக அரிதான விஷயம். பண்டிகை காலங்களிலும், வீட்டில் விசேஷங்கள் நடந்தால் மட்டும் தான் முன்பெல்லாம் ஷாப்பிங். அதிலும், குறிப்பிட்ட பொருள் குறிப்பிட்ட இடத்தில் தான் கிடைக்கும்.
ஆனால் இன்று தொட்டதற்கெல்லாம் ஷாப்பிங் செய்யும் அளவிற்குப் பொருட்கள் அதிகரித்துவிட்டன. இந்த சந்தர்பத்தில் தான் ஷாப்பிங் செய்யவேண்டும் என்ற கட்டாயம் இல்லை. முக்கியமாக எல்லா பொருட்களும் எல்லா இடத்திலும் கிடைக்கும். எக்ஸ்க்ளூசிவ் அவுட்லெட்களும் உண்டு. நேரில் சென்று ஷாப்பிங் செய்யும் காலம் மாறி இப்போது இணையம் வழியாகவும் மக்கள் ஷாப்பிங் செய்ய தொடங்கிவிட்டனர். இதற்கு முக்கிய காரணம், நாம் எங்கும் அலைய வேண்டாம். நாம் இருக்கும் இடத்தை தேடி பொருட்கள் வரும். கையில் பணமில்லை என்றாலும், டிஜிட்டல் பேமன்ட் செய்துக்கொள்ளலாம். இப்படி ஆன்லைன் ஷாப்பிங்கில் ஏகப்பட்ட வசதிகள் உள்ளன.
அந்த வகையில், அமேசான், ஃப்லிப்கார்ட், ஈபே என பல ஈ-காமர்ஸ் சைட்டுகள் வந்துவிட்டன. இதில் வீட்டு உடைமைகள் முதல், சமையல், அலங்காரம், உடைகள் என அனைத்தும் கிடைக்கும். இதை தவிர, நம் ஊர்களில் வைத்திருக்கும் கடைகள் போல், துணிகளுக்கு, அணிகலங்களுக்கு, காலணிகள், எலக்டிரானிக்ஸ் என தனித்தனியாகவும் ஆன்லைனில் ஷாப்பிங் செய்யலாம்.
அதில் அமேசான் தளம் தான் கிட்டதட்ட டாப். அப்படிப்பட்ட தளத்தில் விற்கப்படும் ஒரு வாளியின் விலை ரூ.25,999/-. ஒரிஞ்சினல் விலை 35,900 த்தில், 28 சதவீதம் டிஸ்கவுன்ட் ஆகி, இந்த விலைக்கு வாளி விற்கப்படுகிறது. இதை ஸ்க்ரீன் ஷாட் எடுத்து ட்விட்டரில் பதிவிட்ட ஒரு வாடிக்கையாளர், "இதை அமேசானில் பார்த்தேன். என்ன செய்வதென்று தெரியவில்லை" என்று குறிப்பிட்டிருந்தார்.
இதை கவனித்த அமேசான் நிறுவனமும், தவறிற்கு மன்னிப்பு கோரி, இதை உடனடியாக சரி செய்யவும் நடவடிக்கைகள் எடுக்கப்படும் என்றும் குறிப்பிட்டிருந்தது. இந்த புகைப்படம் இப்போது வைரலாகி வருகிறது
ஆச்சரியம் என்னவென்றால், ஸ்டாக்கில் ஒன்று தான் மீதமிருக்கிறது, முந்துங்கள் என்பது தான்!
இந்த வாளியை EMI வசதியிலும் பெறலாம் என்பது குறிப்பிடத்தக்கது !
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp