மொராக்கோவில் ஆராய்ச்சியில் ஈடுபட்டிருந்த விஞ்ஞானிகள் 90,000 ஆண்டுகளுக்கு முந்தைய பழங்கால மனித கால்தடத்தை கண்டுபிடித்துள்ளனர்.
இந்த கண்டுபிடிப்பு, உலகில் இதுவரை கண்டுபிடிக்கப்படாத பாதுகாக்கப்பட்ட பொக்கிஷங்களில் ஒன்றாக கருதப்படுகிறது.
சயின்டிஃபிக் ரிப்போர்ட்ஸ் இதழின் சமீபத்திய வெளியீட்டின்படி, 2022 ஆம் ஆண்டில் ஆப்பிரிக்காவின் வடக்கு முனைக்கு அருகிலுள்ள தளத்தில் ஆராய்ச்சியாளர்கள் எவ்வாறு இந்த ஆய்வினை மேற்கொண்டனர் என்பதை கோடிட்டுக் காட்டுகிறது.
முன்னணி எழுத்தாளர் மவுன்செஃப் செட்ராட்டி, இந்த கண்டுபிடிப்பின் தருணத்தை விவரித்தார். " அலைகளுக்கு இடையில், மற்றொரு கடற்கரையை ஆராய வடக்கே செல்ல வேண்டும் என்று நான் எனது குழுவிடம் கூறினேன், முதல் அச்சைக் கண்டு நாங்கள் ஆச்சரியப்பட்டோம். முதலில், இது ஒரு தடம் என்று நாங்கள் நம்பவில்லை, அதன் பின்னர் தான் அதனை பழமையான மனித கால்தடம் என கண்டுபிடித்தோம்." என்றார்.
மொத்தம் 85 மனித கால்தடங்களைக் கொண்ட இரண்டு தனித்துவமான பாதைகளை இந்த ஆய்வு வெளிப்படுத்தியது.
இந்தக் காலடித் தடங்களை ஒளியியல் தூண்டப்பட்ட ஒளிர்வு டேட்டிங்கைப் பயன்படுத்தி, ஆராய்ச்சியாளர்கள் சுமார் 90,000 ஆண்டுகளுக்கு முன்பு, லேட் ப்ளீஸ்டோசீன்-கடைசி பனி யுகத்தின் போது ஹோமோ சேபியன்ஸின் தலைமுறைக் குழு இந்தக் கடற்கரையைக் கடந்து சென்றதாகக் கண்டறிந்தனர்.
இந்த வண்டல்கள் மணற்பரப்பில் உள்ள தடங்களை பாதுகாக்க நல்ல சூழ்நிலையை உருவாக்கியது, அதே நேரத்தில் அலைகள் கடற்கரையை வேகமாக புதைத்தன. அதனால்தான் இங்கு கால்தடங்கள் சிறப்பாகப் பாதுகாக்கப்படுகின்றன.
இந்த எதிர்பாராத மற்றும் நம்பமுடியாத கண்டுபிடிப்பு பண்டைய மனித வரலாற்றை மட்டுமல்லாமல், கடந்த கால மர்மங்களை அவிழ்ப்பதின் முக்கியத்துவத்தையும் அடிக்கோடிட்டுக் காட்டுகிறது.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust