பெரு நாட்டில் கிட்ட தட்ட 10 லட்சம் ரூபாய் மதிப்புடைய ஷூக்களை திருடியுள்ளது ஒரு கும்பல். ஆனால் அவர்கள் திருடியது அனைத்துமே ஒரே காலின் ஷூவை.

பல சமயங்களில் திருட நினைத்து அது நகைச்சுவையாக முடிந்த கதைகளை கேள்விப்பட்டிருக்கிறோம். அது போல தான் நடந்திருக்கிறது பெரு நாட்டில்

பெருவில் உள்ள ஹுவன்சாயோ என்ற காலணி கடைக்குள் திருடப் புகுந்தது ஒரு கூட்டம். அங்கு காட்சிக்கு வைக்கப்பட்டிருந்த பயிற்சியின் போது பயன்படுத்தும் சுமார் 200 ஷுக்களை அவர்கள் திருடிச் சென்றனர்.

கடை உரிமையாளரின் தகவலின் படி இந்த மொத்த காலணிகளின் மதிப்பு சுமார் 13 ஆயிரம் டாலர், இந்திய மதிப்பில் 10 லட்சம் ரூபாய்.

இழப்பு ஏற்பட்டிருக்கிறது என்றாலும் இதில் ஒரு வேடிக்கையான விஷயம் இருக்கிறது. அந்த கும்பல் சுருட்டிக்கொண்டு போனது மொத்தமும் ஒரே காலில், அதாவது வலது காலில் அணியும் ஷூக்கள்.

இவர்கள் கடைக்குள் புகுந்து திருடியது அங்கு பொருத்தப்பட்டிருந்த சிசிடிவி கேமராவில் பதிவாகியுள்ளது. அவர்கள் நடு ராத்திரியில் திருடும்பொழுது, தெரியாமல் ஒரு காலின் காலணிகளை திருடினார்களா, அல்லது தெரிந்தே ஒரு காலின் ஷூவை மட்டும் திருடினார்களா என்பது தெரியவில்லை.

ஊடகத்திடம் பேசிய உள்ளூர் காவல் துறை சம்பவ இடத்திலிருந்து தடயங்களை சேகரித்துள்ளதாகவும், விசாரணைகள் மேற்கொள்ளப்பட்டு வருவதாகவும் கூறியுள்ளனர்

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust