இங்கிலாந்து பிரதமராகத் தேர்ந்தெடுக்கப்பட்ட லிஸ் டிரஸுக்கு பதில் டிவிட்டரில் வேறு ஒரு பெண்ணிற்கு இணையவாசிகள் வாழ்த்துகளைத் தெரிவித்து வருகின்றன.

பிரிட்டன் நாட்டின் புதிய பிரதமராக லிஸ் டிரஸ் பொறுப்பேற்கவுள்ளார். சுமார் இரண்டு மாத கால தேர்தல் போட்டிகளைக் கடந்து, பிரிட்டனின் கன்சர்வேடிவ் கட்சியின் உறுப்பினரான லிஸ் டிரஸ் பிரதமராகத் தேர்வு செய்யப்பட்டுள்ளார்

இந்திய வம்சாவளியைச் சேர்ந்த ரிஷி சுனக்கை 20 ஆயிரம் வாக்குகள் வித்தியாசத்தில் வீழ்த்தி பிரிட்டனின் அடுத்த பிரதமராகத் தேர்வாகி உள்ளார் லிஸ் டிரஸ்.

மேரி எலிசபெத் டிரஸ் எனும் இயற்பெயர் கொண்ட லிஸ் டிரஸ், 1975 ஆம் ஆண்டு ஆக்ஸ்போர்டில் பிறந்தார்.

கல்லூரி மாணவராக இருந்தபோதே அரசியலில் அடியெடுத்து வைத்த டிரஸ், தற்போது பிரிட்டனின் மூன்றாவது பெண் பிரதமர் என்ற பெருமையைப் பெறுகிறார். இந்நிலையில் அவருக்கு வாழ்த்துகள் குவிந்த வண்ணம் உள்ளன.

இதற்கிடையில் இங்கிலாந்து பிரதமராகத் தேர்ந்தெடுக்கப்பட்ட லிஸ் டிரஸுக்கு பதில் டிவிட்டரில் வேறு ஒரு பெண்ணிற்கு இணையவாசிகள் வாழ்த்துகளைத் தெரிவித்து வருகின்றனர்.

அதற்குக் காரணம் பிரதமராக தேர்ந்தெடுக்கப்பட்ட லிஸ் டிரஸ் என்ற பெயரில் வேறு ஒரு டிவிட்டர் கணக்கு இருக்கிறது. அந்த கணக்கிற்கு வாழ்த்துகள் தொடர்ந்து வந்துக்கொண்டிருகின்றன. இன்னும் சுவாரஸ்யம் என்னவென்றால், அந்த பெண், வாழ்த்துக் கூறுபவர்களுக்கு எல்லாம் பதில் கொடுத்து வருகிறார். "சீக்கிரமாக வந்து பார்க்கிறேன்! எனக்கு விருந்து தயார் செய்யுங்கள்!" என்கிறார்.

Thor Benson என்ற டிவிட்டர் பயனர் தன் கணக்கில் இந்த ஸ்க்ரீன்ஷட்டை பகிரந்தார். பகிரப்பட்ட இந்த ஸ்கிரீன் ஷாட்களுடன், பிரதமருக்கு பதிலாக மக்கள் வேறு ஒருவருக்கு வாழ்த்துகளை தெரிவித்து வருகின்றனர் என்றார்.

பல்வேறு ட்வீட்களின் ஸ்கிரீன் ஷாட்கள் இணையத்தில் படுவைரலாகப் பார்க்கப்பட்டதுடன் நெட்டிசன்களால் பகிரப்பட்டும் வருகிறது.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust