தனக்கு விருப்பமான யூடியூபரை பார்ப்பதற்காக கிட்டத்தட்ட 300 கி.மீ பயணம் செய்துள்ளார் பஞ்சாபை சேர்ந்த 13 வயது சிறுவன் ஒருவர்.
Nischay Malhan என்ற யூடியூபர் Triggered Insaan என்ற சேனலை வைத்துள்ளார். இவருக்கு டீனேஜர்கள் அதிக அளவில் பின் தொடர்பவர்களாக இருக்கின்றனர். 16.9 மில்லியன் சப்ஸ்கிரைபர்களை வைத்துள்ள இவரை சந்திப்பதற்காகவே பஞ்சாப் மாநிலம் பாட்டியாலாவைச் சேர்ந்த 13 வயது சிறுவன் வீட்டிலிருந்து புறப்பட்டுள்ளார்.
தினமும் காலையில் சைக்கிளில் பள்ளிக்குச் செல்லும் சிறுவன் அன்று டெல்லிக்கு சென்றுள்ளார். 3 நாட்கள் அவர் தொடர்ந்து பயணித்து டெல்லியை அடைந்திருக்கிறார்.
இதற்கிடையில் அந்த சிறுவனனின் பெற்றோர் அவரைக் காணவில்லை என்று காவல்நிலையத்தில் புகார் கொடுத்துள்ளனர்.
பாட்டியாலா அனஜ் மந்தி காவல் நிலையத்தில் புகார் அளிக்கப்பட்டது. அவர்கள் சிறுவன் டெல்லி சென்றிருக்க வாய்ப்பு இருப்பதனை அறிந்து அங்குள்ள மயூரா என்க்லேவ் காவல் நிலையத்துக்கு தகவல் கொடுத்தனர். டெல்லியில் அந்த யூடியூபர் வசித்த பிதம்புரா என்ற பகுதியில் சிறுவனைத் தேட காவலர்கள் முடிவு செய்துள்ளனர்.
3 நாட்களில் அந்த சிறுவன் டெல்லி செல்லும் முன்னரே சமூக வலைத்தளங்களில் இது குறித்து அறிவுறுத்தப்பட்டது. அந்த யூடியூபரும் தனது சமூக வலைத்தளப் பக்கத்தில் சிறுவன் குறித்து பதிவிட்டார்.
அதில், தான் டெல்லியில் இல்லை என்றும் துபாய் சென்றுள்ளதாகவும் கூறினார் அவர்.
சிறுவன் டெல்லியை அடைந்த பின்னரும் காவல்துறையினர் அவனை கண்டுபிடிக்கவில்லை. அவர்கள் பிதம்புரா பகுதியில் உள்ள சிசிடிவி காட்சிகளை ஆராய்ந்த போது, சிறுவன் யூடியூபர் Nischay Malhan வீட்டுக்கு அருகில் சுற்றிக்கொண்டிருந்ததை கண்டறிந்துள்ளனர்.
இறுதியாக கடந்த வெள்ளி அன்று சிறுவன் கண்டுபிடிக்கப்பட்டார். சிறுவனின் குடும்பத்தினர் காவல்துறையினருக்கு நன்றி தெரிவித்தனர்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
