மழைக் காலத்தில் பார்க்க வேண்டிய இந்தியாவின் சிறந்த இடங்கள் - ஓர் அட்டகாச பயணம்

சுற்றுலா செல்வதற்கு ஏற்ற காலங்களாகக் கோடையும், குளிர்காலமும் அறியப்படுவது இயற்கை, பொதுவானது.

அந்த காலகட்டங்களில் சுற்றுலா செல்வதற்கான பல முக்கியமான இடங்களை நாம் அனைவரும் அறிந்திருப்போம். ஆனால், இந்த இரண்டு காலநிலைக்கும் இடைப்பட்ட காலமான மழைக்காலத்தில் செல்வதற்கேற்ற இடங்கள் என்பது மிகவும் அரிதாகவே கிடைக்கும்.

அப்படி, ஜூலை மாதத்தில் பார்க்க வேண்டிய மழைக்கால இடங்கள் சிலவற்றை இங்கே காண்போம்.

ஜிரோ பள்ளத்தாக்கு – அருணாச்சல பிரதேசம்

அருணாச்சலப் பிரதேசத்தின் தடைசெய்யப்பட்ட மலைப் பகுதியில் அமைந்திருக்கும் ஜிரோ பள்ளத்தாக்கு வடகிழக்கு இந்தியாவில் உள்ள ஒரு கவர்ச்சிகரமான விடுமுறை இடமாகும். இது பரந்த நெற்பயிர்கள், விசித்திரமான கிராமங்கள் மற்றும் பசுமையடர்ந்த மரங்களால் மூடப்பட்டிருக்கும் மலைகள் ஆகியவற்றால் அனைவரையும் தன் வசம் ஈர்க்கிறது.

இந்த அழகான சிறிய நகரத்தின் அமைதியானது இளைப்பாறலை தேடுபவர்களின் சொர்க்கமாகத் திகழ்கிறது. அதே வேளையில், கண்கொள்ளா இயற்கை அழகு எண்ணற்ற இயற்கை ஆர்வலர்களையும் புகைப்படக் கலைஞர்களையும் கவர்ந்திழுக்கிறது.

ஒரு சிறந்த மலையேற்ற அனுபவத்தையோ, காடுகளில் முகாமிடும் அனுபவத்தையோ அல்லது வனவிலங்குகளை ஆராய்வதற்காகவோ ஒருவர் இங்கு வந்தால், ஜிரோ நிச்சயமாக யாரையும் ஏமாற்றமடையச் செய்வதில்லை.

மல்ஷேஜ் காட் – மகாராஷ்டிரா

மல்ஷேஜ் காட் கல்யாண் நகர் சாலையில் உள்ள ஒரு மழைக்கால சுற்றுலா தலமாகும். இது மகாபலேஷ்வர் மற்றும் மாத்தேரன் போன்ற வற்றாத குளிர்ச்சி கொண்ட இடமாக இது விரைவில் உருவாகலாம்.

மழைக்காலத்தில் அடர்ந்த சால்வை போல மேகங்களால் சூழப்பட்ட குன்று சுற்றுலாப் பயணிகளுக்குப் பித்துப் பிடிக்க வைக்கிறது. எம்.டி.டி.சி. மற்றும் வனத்துறை மூலம் காட் பகுதியில் வளர்ச்சி பணிகள் மேற்கொள்ளப்பட்டு சுற்றுலாப் பயணிகளுக்குப் பல வசதிகள் செய்து தரப்படுகிறது.

மாவ்லின்னாங் – மேகாலயா

மாவ்லின்னாங் ஆசியாவின் தூய்மையான கிராமங்களில் ஒன்றாக நற்பெயரைப் பெற்றுள்ள மேகாலய கிராமமாகும். இது “கடவுளின் தோட்டம்” என்ற புனைப் பெயரிலும் அழைக்கப்படுகிறது.

பழத்தோட்டங்கள், ஓடும் நீரோடைகள், எப்போதும் பசுமையான சுற்றுப்புறங்கள், அசையும் பனை மரங்கள் மற்றும் காசி பழங்குடியினத்தவரால் நன்கு பாதுகாக்கப்பட்ட மரபுகள் ஆகியவை மேகாலயாவின் தெற்குத் தொடர்களின் விளிம்பில் ஒரு சிறந்த சுற்றுலா அனுபவத்தை வழங்குகிறது.

மற்ற காலங்களில் இப்படி என்றால், மழைக்காலத்திலோ இன்னும் பிரமான சூழலியல் அனுபவத்தை பயணிகளுக்கு வழங்குகிறது மாவ்லின்னாங்.

மவுண்ட் அபு – ராஜஸ்தான்

ராஜஸ்தான் மாநிலத்தின் ஒரே மலை வாசஸ்தலம் மவுண்ட் அபு ஆகும். கடல் மட்டத்திலிருந்து 1722 மீட்டர் உயரத்தில் உள்ளது. மேலும் ஆரவல்லி மலைத்தொடரின் பசுமையான மலைகளால் சூழப்பட்டுள்ளது.

பழங்குடியின சமூகங்களின் பழமையான குடியிருப்புகள், பிரிட்டிஷ் பாணி பங்களாக்கள் மற்றும் அரச விடுமுறை விடுதிகள் உள்ளிட்ட ஆடம்பரமான வீடுகளின் வண்ணமயமான கலவையுடன் காணப்படுகிறது. ராஜஸ்தான் சுற்றுலா உட்பட, நாட்டின் பெரும்பாலான சுற்றுலாப் பேக்கேஜ்களும் மவுண்ட் அபுவை உள்ளடக்கியே இருக்குமளவிற்கு மிக முக்கியமான இடமாக உள்ளது.

ராணிகெட் – உத்தரகண்ட்

உத்தரகண்ட் மாநிலத்தில் அல்மோரா மாவட்டத்தில் இருக்கிறது ராணிகெட் என்ற அழகான மலைவாசஸ்தலம். இது கடல் மட்டத்திலிருந்து 1,829 மீட்டர் உயரத்தில் அமைந்துள்ளது.

ஆர்வமுள்ள இயற்கை அழகை ரசிப்பவர்களுக்கு அனைத்து பருவகாலங்களிலும் ஏற்ற சுற்றுலாத் தலமாகும். ராணிகேத் என்பது பெரிய இமயமலையின் ஒரு சிறந்த அழகை பிரதிபலிக்கும் இடமாகத் திகழ்கிறது.

ஓர்ச்சா – மத்யபிரதேஷ்

பெட்வா ஆற்றின் கரையில் அமைந்துள்ள ஓர்ச்சா என்ற வரலாற்று நகரம் 16 ஆம் நூற்றாண்டில் பண்டேலா ராஜ்புத் தலைவரான ருத்ர பிரதாப் என்பவரால் நிறுவப்பட்டது. இங்கே, பெட்வா ஆறு ஏழு கால்வாய்களாகப் பிரிகிறது, இது சத்தாரா என்றும் அழைக்கப்படுகிறது.

இது ஓர்ச்சாவின் ஏழு முன்னாள் தலைவர்களின் நினைவாக என்று புராணக்கதை கூறுகிறது. பழங்கால நகரம் காலப்போக்கில் உறைந்துவிட்டதாகத் தெரிகிறது. அதன் பல நினைவுச்சின்னங்கள் இன்றும் கூட அவற்றின் அசல் மகத்துவத்தைத் தக்கவைத்து வருகின்றன.

சிறுவயது கற்பனையை உணர உதவும் மிகவும் கவர்ச்சிகரமான கோவில்கள் மற்றும் அரண்மனைகள் சிலவற்றை இங்கே காணலாம். வரலாற்றின் காலத்தை மீறி ஒரு பின்னோக்கிய பயணத்திற்கு ஓர்ச்சா ஒரு சிறந்த இடமாகும்.

சைல் – இமாச்சல பிரதேசம்

அழகான பைன் மற்றும் தேவதாரு காடுகளால் சூழப்பட்ட சைல், இமாச்சலப் பிரதேசத்தில் உள்ள ஒரு பிரபலமான மலைவாசஸ்தலம் ஆகும். இது பரபரப்பான நகர வாழ்க்கையிலிருந்து மகிழ்ச்சியான ஓய்வை உறுதியளிக்கிறது.

ஷிவாலிக் மலைகளின் பின்னணியில் அமைக்கப்பட்ட சொர்க்க பிரதேசமான சைல், அதன் அழகிய நிலப்பரப்பு மற்றும் கெடுக்கப்படாத இயற்கை அழகுடன் சுற்றுலாப் பயணிகளைக் கவர்வது மட்டுமல்லாமல், உலகின் மிக உயரமான கிரிக்கெட் மைதானம் என்ற பெருமையையும் பெற்றுள்ளது.

புஷ்கர் – ராஜஸ்தான்

புஷ்கர் இந்தியாவின் பழமையான நகரங்களில் ஒன்றாகும். அஜ்மீரின் வடமேற்கில் அமைந்துள்ள அமைதியான நகரமான புஷ்கர், ஆயிரக்கணக்கான சுற்றுலாப் பயணிகளைக் கவர்ந்து இழுக்கிறது.

கடல் மட்டத்திலிருந்து 510 மீட்டர் உயரத்தில் அமைந்துள்ள புஷ்கர் மூன்று பக்கங்களிலும் மலைகளால் சூழப்பட்டுள்ளது. 'நாக் பஹார்' எனும் பாம்பு மலை அஜ்மீருக்கும் புஷ்கருக்கும் இடையே இயற்கையான எல்லையை உருவாக்குகிறது.

‘ராஜஸ்தானின் ரோஜா தோட்டம்’ என்று அழைக்கப்படும் புஷ்கர் ரோஜாவின் சாரம் உலகம் முழுவதும் ஏற்றுமதி செய்யப்படுகிறது. ஒரு சுவாரஸ்யமான புராண வரலாறுடன், காலத்தால் அழியாத கட்டிடக்கலை பாரம்பரியம் ஆகியவற்றைக் கண்டுகளிக்க புஷ்கர் ஒரு சிறந்த இடமாகும்.

துத்சாகர் நீர்வீழ்ச்சி – கோவா

கோவாவிலிருந்து 60 கிலோமீட்டர் தொலைவில் கர்நாடகா எல்லையில் அமைந்துள்ள துத்சாகர் அருவி, இந்தியாவின் ஐந்து உயரமான நீர்வீழ்ச்சிகளில் ஒன்றாகும். சுமார் 310மீ (1017அடி) உயரமும், சுமார் 100 அடி அகலமும் கொண்ட துத்சாகர் நீர்வீழ்ச்சி இயற்கையின் அபார அழகை வெளிப்படுத்துகிறது.

இந்த புகழ்பெற்ற நீர்வீழ்ச்சி கோவாவிற்கு அருகில் பார்க்க சிறந்த இடங்களில் ஒன்றாகும். இந்த அழகான நான்கு அடுக்கு நீர்வீழ்ச்சி 2013 ஆம் ஆண்டு பிளாக்பஸ்டர் திரைப்படமான சென்னை எக்ஸ்பிரஸ் திரைப்படத்தில் தோன்றிய பிறகு மிகவும் பிரபலமானது. இது இப்போது கோவா மற்றும் அதன் அருகிலுள்ள இடங்களுக்குச் செல்லும் சுற்றுலாப் பயணிகளுக்கு மிகவும் பிரபலமான இடங்களில் ஒன்றாகும்.

கோவாவில் உள்ள துத்சாகர் நீர்வீழ்ச்சிகள், உச்சத்திலிருந்து பால் கொட்டுவது போல் காட்சியளிக்கின்றன. பின்னர் மலையிலிருந்து கீழே இறங்க இறங்கக் கொட்டும் அருவிகளாக மாறுகின்றன.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust