இலங்கைக்கு எதிராக சதம் அடித்ததன் மூலம், சச்சின் டெண்டுல்கரின் சாதனையை சமன் செய்திருக்கிறார் இந்திய அணி வீரர் விராட் கோலி.
இந்தியா இலங்கை அணிகளுக்கு இடையிலான ஒரு நாள் தொடர் இன்று தொடங்கியது. மூன்று போட்டிகள் கொண்ட ஒரு நாள் தொடரின் முதல் போட்டி இன்று கவுஹாத்தியில் நடைபெற்று வருகிறது.
முதலில் பேட்டிங் செய்த இந்திய அணிக்கு தொடக்க வீரர்கள் வலு சேர்த்தனர். பின்னர் களமிறங்கிய நட்சத்திர வீரர் விராட் கோலி, நிதானமாக ஆடி, 87 பந்துகளில் 113 ரன் எடுத்து ஆட்டமிழந்தார்.
இது விராட் கோலியின் கரியரில் 73வது சதம், மற்றும் ஒரு நாள் போட்டிகளில் மட்டும் 45வது சதமாகும். இதன் மூலம் கோலி கடைசியாக விளையாடிய போட்டிகளில் அடுத்தடுத்து சதமடித்திருப்பதும் குறிப்பிடத்தக்கது
இந்த 45வது சதத்தின் மூலம், முன்னாள் கிரிக்கெட் வீரர் சச்சின் டெண்டுல்கரின் சாதனையான, சொந்த மண்ணில் விளையாடிய ஒரு நாள் போட்டிகளில் 20 சதம் என்ற சாதனையை சமன் செய்திருக்கிறார் கோலி.
மொத்தம் 164 போட்டிகளில் விளையாடி இந்த மைல்கல்லை அடைந்திருந்தார் மாஸ்டர் பிளாஸ்டர். கோலி இதனை 101 போட்டிகளிலேயே எட்டிவிட்டார்.
இதை தவிர சச்சினின் மற்றொரு சாதனையை முறியடித்திருக்கிறார் கோலி. இலங்கைக்கு எதிராக அதிக ஒரு நாள் சதம் அடித்த வீரர்கள் பட்டியலில் சச்சினை பின்னுக்கு தள்ளி முதலிடத்தை பிடித்துள்ளார். சச்சின் இலங்கைக்கு எதிராக 8 சதங்கள் அடித்திருக்கிறார். கோலி 9 சென்சுரிக்கள் அடித்துள்ளார்
இதுவரை ஒரு நாள் போட்டிகளில் 49 சதம் அடித்து, அதிக சென்சுரி அடித்த வீரர் என்ற பெருமையை சச்சின் வைத்திருக்கிறார். 45 சதங்களை கடந்துவிட்ட கோலி இன்னும் 5 சதங்கள் பூர்த்தி செய்தால், சச்சினின் இந்த சாதனையையும் அவர் முறியடிக்கலாம்!
முதலில் டாஸ் வென்ற இலங்கை அணி பவுலிங்கை தேர்வு செய்தது. களமிறங்கிய இந்திய அணி 373 ரன்கள் விளாசியுள்ளது. 378 என்ற இலக்கை நோக்கி ஆடத் தொடங்கிய இலங்கை அணி, தற்போது 8 விக்கெட்களை இழந்திருக்கிறது. போட்டி இன்னும் முடிவுபெறவில்லை
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
