சந்திரயான் 3: முட்டி மோதும் உலக நாடுகள் - நிலவின் தென் துருவத்தில் அப்படி என்ன சிறப்பு?

சீனா போன்ற முக்கிய நாடுகள் நிலவின் தென் துருவத்தை அடைய முயற்சிகள் மேற்கொண்டு வருகின்றன. இத்துனை நாடுகளும் ஏன் முட்டி மோதுகின்றன? இந்த பதிவில்!

சந்திரயான் 3: முட்டி மோதும் உலக நாடுகள் - நிலவின் தென் துருவத்தில் அப்படி என்ன சிறப்பு? Canva

சந்திரயான் 3 விண்கலத்தை ஏந்திச்சென்று வெற்றிகரமாக விக்ரம் லேண்டரை நிலவில் தரையிறக்கிவிட்டது. இது நிலவின் தென் துருவத்தில் தரையிறங்கியது.

இதுவரை சீனா, அமெரிக்கா மற்றும் ரஷ்யா ஆகிய நாடுகள் நிலவுக்கு தங்களது ஸ்பேஸ் மிஷனை மேற்கொண்டு வெற்றி பெற்றிருந்தாலும், இந்தியாவின் இந்த சந்திரயான் 3 மிஷன் ஸ்பெஷல்.

காரணம், நிலவின் தென் துருவத்தில் விண்கலத்தை வெற்றிகரமாக தரையிறக்கிய முதல் நாடு இந்தியா தான்.

சீனா போன்ற முக்கிய நாடுகள் நிலவின் தென் துருவத்தை அடைய முயற்சிகள் மேற்கொண்டு வருகின்றன. இத்துனை நாடுகளும் ஏன் முட்டி மோதுகின்றன? இந்த பதிவில்

நிலவின் தென் துருவமானது, பல கோடி ஆண்டுகள் வெளிச்சமே படாத பகுதியாகும். இந்த பகுதியின் வெப்பநிலை மைனஸ் 203 டிகிரியைக் கூட தொடும் என்றும் விஞ்ஞானிகள் கூறுகின்றனர்.

இந்த இருள் சூழ்ந்த நிலவின் பகுதியில் நீர் பனிக்கட்டிகளின் அளவு அதிகமாக இருப்பது விஞ்ஞானிகளின் ஆர்வத்தை தூண்ட முக்கிய காரணம். இந்த பகுதியின் தரைப்பரப்பில் இருக்கும் பள்ளங்கள் தனித்துவம் வாய்ந்தவை. இவற்றின் உட்புறத்துக்குள் சூரிய ஒளி ஊடுருவவே முடியாது.

இதன் காரணமாக இந்த பள்ளங்கள் குளிர் பொறிகளாக செயல்படுகின்றன.

Chandrayaan 3: இஸ்ரோ மிஷனால் ஒன்றிணைந்த இந்தியா - இணையத்தில் குவியும் வாழ்த்துகள்

இந்த பள்ளங்களுக்குள், ஆரம்ப கால சூரிய குடுபத்தில் இருந்த ஹைட்ரஜன், நீர் பனிக்கட்டிகள், மற்றும் பிற ஆவியாகக் கூடிய புதைபடிவங்களை உள்ளடக்கியுள்ளன.

இந்த படிவங்கள் பல ஆண்டுகளாக எந்த மாற்றங்களும் கண்டிருக்க வாய்ப்புகள் இல்லை.

மாற்றங்கள் கண்டிருந்தாலும் அது குறைவே.

ஆக, இவற்றினை ஆராய்ந்தால், சூரியக் குடும்பம் உருவானது எப்படி, இந்த உலகின் தோன்றல்கள் குறித்த பல கேள்விகளுக்கு விடை கிடைக்கலாம் என்பது விஞ்ஞானிகளின் கருத்து.

இந்த விஷயமே விஞ்ஞானிகளை அதிகமாக ஈர்த்தது.

சந்திரயான் 3: சரித்திரம் படைத்த இந்தியா - நிலவில் வெற்றிகரமாக தரையிறங்கிய விக்ரம் லேண்டர்!