குட்டியை ஈன்ற 'ஆண்' கொரில்லா குழம்பிய காப்பாளர்கள் - காத்திருந்த ட்விஸ்ட்!

அமெரிக்காவின் ஓஹியோ மாகாணத்தில் உள்ள கொலம்பஸ் மிருகக்காட்சிசாலை மற்றும் மீன்வளத்தில் ஆண் கொரில்லா குரங்கு ஒன்று குட்டியை ஈன்றுள்ள சம்பவம் பலரையும் ஆச்சரியத்தில் ஆழ்த்தியுள்ளது.

ஆனால் உண்மையில் அது ஆண் குரங்கு இல்லை என்பது தான் இதில் ட்விஸ்ட்!

என்ன பா குழப்புறீங்க என்று நீங்கள் கேட்பது தெரிகிறது.

அமெரிக்காவின் ஓஹியோ மாகாணத்தில் அமைந்திருக்கிறது கொலம்பஸ் மிருகக்காட்சிசாலை மற்றும் மீன்வளம். இங்கு சல்லி என்ற கொரில்லா பாதுகாக்கப்பட்டு வருகிறது

சல்லி தனது தாயுடன் கடந்த 2019ஆம் ஆண்டிலிருந்து இந்த மிருகக்காட்சி சாலையில் வாழ்ந்து வருகிறது. சமீபத்தில் சல்லி ஒரு குட்டி கொரில்லாவை ஈன்றுள்ளது.

மிருகக்காட்சி சாலையில் ஆண் கொரில்லா ஒன்று தன் குட்டியை சீராட்டி பாராட்டி பாலூட்டியதை கவனித்துள்ளனர்.

இதை கண்ட ஜூ காப்பாளர்கள் குழம்பி போயுள்ளனர். இதனையடுத்து கொரில்லா பராமரிப்பு குழு ஒன்று வரவழைக்கப்பட்டு சோதனைகள் மேற்கொண்டதில், ஆண் என நினைத்த சல்லி ஒரு பெண் கொரில்லா என்று கண்டறியப்பட்டுள்ளது.

பெண் கொரில்லா குட்டியை ஈன்றெடுப்பதிலோ, அதற்கு பாலூட்டுவதிலோ ஆச்சரியம் ஒன்றும் இல்லை தானே?

இதனையடுத்து இந்த சந்தோஷ செய்தியை தனது இன்ஸ்டாகிராம் பக்கத்தில் பகிர்ந்தது கொலம்பஸ் மிருகக்காட்சிசாலை மற்றும் மீன்வளம்.

மேலும், கால்நடை மருத்துவர்கள் வந்து தாயையும் சேயையும் கண்காணிப்பார்கள் எனவும் தெரிவித்துள்ளது. கொரில்லா இனம் தற்போது அழிவின் விளிம்பில் உள்ளது எனவும் அதனை பாதுகாக்கும் முயற்சிகள் மேற்கொள்ளப்பட்டு வருவதாகவும் கூறியுள்ளது.

இந்த குழப்பம் ஏன் ஏற்பட்டது என்பதையும் விளக்கியுள்ளது மிருகக்காட்சி சாலை.

மிருகக்காட்சிசாலை ஊழியர்கள் கொரில்லாவின் பாலினம் குறித்து குழப்பமாகவே இருந்தனர். ஏனெனில், 8 வயது வரை, ஆண்களும் பெண்களும் ஒரே அளவில் இருப்பார்கள், மேலும் அவர்களுக்கு முக்கிய பாலின உறுப்புகள் இருப்பதில்லை" என்று மிருகக்காட்சிசாலையின் அதிகாரப்பூர்வ வலைப்பதிவு கூறியது.

"கொரில்லாக்களுக்கு வயதாகும்போது, ​​ஆண்களும் பெண்களும் மிகவும் வித்தியாசமாகத் தோற்றமளிக்கிறார்கள். ஆண்களுக்கு 12 வயது அல்லது அதற்கு மேற்பட்ட வயது வரை, பெரிய அளவிலான, வெள்ளி முதுகுகள் மற்றும் பெரிய தலை புடைப்புகள் உருவாகாது" என்று மிருகக்காட்சிசாலை மேலும் விளக்குகிறது.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust