இந்திய குடிமக்களுக்கு விசா இல்லாத நுழைவை வழங்கும் நாடுகளின் வரிசையில் மலேசியாவும் சேர்ந்துள்ளது. மலேசியாவிற்குச் செல்ல விரும்பும் இந்தியப் பயணிகள் இப்போது விசா இல்லாமல் சுற்று பயணம் மேற்கொள்ளலாம்.
இந்த ஆஃபர் மூலம் அந்த நாட்டின் எண்ணற்ற இடங்களை நீங்கள் சென்று பார்க்கலாம். அப்படி மலேசியாவில் பார்க்க வேண்டிய இடங்கள் குறித்து தான் இந்த பதிவில் உங்களுக்கு சொல்ல போகிறோம்.
தலைநகர் கோலாலம்பூர் மலேசியாவில் ஒரு துடிப்பான பெருநகரமாகும். அங்கு உயரமான வானளாவிய கட்டிடங்கள் வரலாற்று அடையாளங்களை உள்ளன. கோலாலம்பூரின் முக்கிய சுற்றுலாத் தலங்களான மெர்டெக்கா சதுக்கம், கோலாலம்பூர் கோபுரம், தேசிய அருங்காட்சியகம், லிட்டில் இந்தியாவின் பரபரப்பான தெருக்கள் என பல இடங்களுக்கு சென்று வரலாம்.
'கிழக்கின் முத்து' என்று அழைக்கப்படும் பினாங்கு, யுனெஸ்கோவின் உலக பாரம்பரிய தலமாக உள்ளது. பினாங்கு அதன் காலனித்துவ கட்டிடக்கலை மற்றும் தெரு கலைக்காக கொண்டாடப்படுகிறது.
ஜார்ஜ் டவுன் உணவுப் பிரியர்களின் சொர்க்கம் என்றே சொல்லலாம். அலங்கரிக்கப்பட்ட கெக் லோக் சி கோயிலுக்குச் சென்று, தீவின் பரந்த காட்சிகளை கண்டு மகிழுங்கள்.
99 தீவுகளின் தீவுக்கூட்டமான லங்காவி, இயற்கை ஆர்வலர்கள் மற்றும் கடற்கரை ஆர்வலர்களுக்கு புகலிடமாக உள்ளது. அழகிய கடற்கரைகள், பசுமையான காடுகள் மற்றும் நீலமான நீர் ஆகியவை ஓய்வெடுப்பதற்கான சரியான இடமாக அமைகிறது.
குனுங் மாட் சின்காங்கின் உச்சிக்கு கேபிள் காரில் பயணம் செய்து, பிரமிக்க வைக்கும் காட்சிகளைக் காணவும், செனாங் கடற்கரையின் மணலில் ஓய்வெடுக்கவும் பரிந்துரைக்கப்படுகிறது.
யுனெஸ்கோவின் உலக பாரம்பரிய தளமான மலாக்கா பல்வேறு கலாச்சாரங்களின் சங்கமத்தை வெளிப்படுத்தும் ஒரு வரலாற்று நகரமாகும். ஜோங்கர் வாக்கின் குறுகிய தெருக்களில் அலைந்து திரிந்து, அங்கு இருக்கும் கோட்டையை ஆராயுங்கள்.
இந்த நகரத்தின் வளமான வரலாறு அதன் அருங்காட்சியகங்கள், கோயில்கள் மற்றும் தனித்துவமான கட்டிடக்கலை ஆகியவற்றில் பிரதிபலிக்கிறது.
அழகிய மலைவாசஸ்தலமான கேமரன் ஹைலேண்ட்ஸுக்குச் செல்வதன் மூலம் நீங்கள் சூப்பர் வெக்கேஷனை அனுபவிக்க முடியும்.
தேயிலை தோட்டங்கள், ஸ்ட்ராபெரி பண்ணைகளுக்கு பெயர் பெற்றது இந்த பகுதி. போஹ் தேயிலைத் தோட்டத்தைப் பார்வையிடவும், மோசி காடு வழியாக மலையேறி, அப்போது காய்ச்சப்பட்ட தேநீரை பருகும்போது அந்த குளிர்ந்த காலநிலைக்கு அவ்வளவு இதமாக இருக்கும்.
நீங்கள் மலேசியாவுக்கு ஏற்கனவே சென்றிருக்கிறீர்கள் என்றால் வேறு எந்த இடங்கள் நன்றாக இருக்கும் என்று கமெண்டில் கூறவும்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
