சாதாரணமாக முடி வெட்டிக் கொள்வதற்காக நாம் எவ்வளவு தூரம் பயணம் செய்வோம்? ஒரு அமெரிக்கப் பெண், உள்ளூர் சிகையலங்கார நிபுணர் ஒருவர் தலைமுடியை வெட்டுவதற்கும், ப்ளீச் செய்வதற்கும் அதிக விலை கூறியதை அடுத்து, உலகம் முழுவதும் பயணம் செய்ய முடிவு செய்திருக்கிறார் என்றால் நம்ப முடிகிறதா?.
பிரைன் எலிஸ் என்கிற அந்தப் பெண் அமெரிக்காவில் உள்ள அவரது சொந்த ஊரில், தான் வழக்கமாக முடி வெட்டிக் கொள்ளும் சலூனுக்குச் சென்றிருக்கிறார். அங்கு அவருக்கு முடி வெட்டி விட்டு பிளீச் செய்வதற்கும் சேர்த்து மொத்தம் $4,000 (இந்திய மதிப்பில் ரூ. 3.12 லட்சம்) கட்டணமாகக் கூறியிருக்கிறார்கள். இதனால் கோபமடைந்த பிரைன், அங்கே முடி வெட்டிக் கொள்வதற்கு பதிலாகத் துருக்கிக்குப் பறந்து சென்றிருக்கிறார்.
அதே சேவைகளுக்குத் துருக்கியில் $450 (ரூ 35,000) மட்டுமே செலவாகும். இதனால் அங்குள்ள சலூன் ஒன்றில் முன் அனுமதி வாங்கிய பிரைன் எலிஸ் 6,000 மைல்களுக்கு மேல் பயணம் செய்திருக்கிறார். இது சம்பந்தமாக அவர் டிக்டோக்கில் ஒரு வீடியோவை அவர் பதிவு செய்தார். அந்த வீடியோவில், விமானத்தில் ஏறுவது, முடி வெட்டுவது மற்றும் துருக்கியில் இரண்டு வார விடுமுறையைக் கழிப்பது போன்றவற்றை அவர் பதிவு செய்திருந்தார். இந்த விலையானது, தனது உள்ளூர் சலூனில் இருந்து பெற்ற சேவைக் கட்டணத்தை விட மிக மிகக் குறைவானது என்று அவர் கூறியிருக்கிறார்.
மேலும் வைரலான அந்த வீட்யோவில், “அமெரிக்காவில் நீங்கள் நினைப்பது போன்ற சிகையலங்காரம் செய்து கொள்ளச் செலவு செய்கிற பணத்தில், துருக்கியில் அதனை நிறைவேற்றிக் கொள்வதோடு சேர்த்து இரண்டு வாரங்கள் நிம்மதியாகத் தங்கி இருந்துவிட்டே வரலாம்” என்று எழுதியிருக்கிறார்.
பிரையனின் இந்த வீடியோவால் கோபமுற்ற அமெரிக்க சிகையலங்கார நிபுணர்கள் டிக்டாக்கில் அவரை வசைபாடி வருகிறார்கள்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
