உலகின் மிகப் பெரிய உதடுகள் வேண்டும் என சோபியாவைச் சேர்ந்த பெண் ஒருவர் 8000 பவுண்ட்களை செலவு செய்துள்ளார். இது இந்திய ரூபாயில் 7.59 லட்சம்.
பல்கேரியாவின் சோபியாவைச் சேர்ந்த ஆண்ட்ரியா இவனோவா, 32 முறை உதடுகளின் அளவை பம்ப் செய்து அவற்றை பெரிதாக மாற்றியுள்ளார்.
"என் உதடுகளை பெரிதாக்க விரும்புகிறேன், எதாவது புதிய சாதனை படைக்க வேண்டும்" என்று ஆண்ட்ரியா கூறியதாக மிரர் கூறுகிறது. இரண்டு வாரங்களுக்கு ஒருமுறை ஹைலூரோனிக் அமில ஊசி போடுவதாக ஆண்ட்ரியா கூறினார்.
ஊசி மூலம் தனது பெரிய உதடுகளை பாராமரித்து வைத்திருக்க திட்டமிட்டுள்ளார். ஆண்ட்ரியாவின் உதடுகள் அவற்றின் நார்மல் அளவை விட குறைந்தது நான்கு மடங்கு அதிகம். இந்த புகைப்படங்கள் பார்ப்பவர்களுக்கு சிலருக்கு திகிலையும் வெறுப்பையும் ஏற்படுத்துகின்றன,.
ஆனால் ஆண்ட்ரியா அதனை பற்றி எல்லாம் கவலைப்படவில்லை. 2018 இல் தனது உடலை மாற்றியமைக்கும் பயணத்தைத் தொடங்கினார் ஆண்ட்ரியா.
அதன் பிறகு அவரது உதடுகளுக்கு மட்டும் சுமார் £ 8,000 செலவிட்டுள்ளார். இவ்வாறு உதடுகளை மாற்றியுள்ளதால் உணவை சாப்பிடுவதிலும் சிக்கல்களை எதிர்கொள்கிறார்.
இப்போது உலகின் மிக நீளமான மற்றும் கூரான கன்னம் பெறுவதை நோக்கமாகக் கொண்டுள்ளார். ஏற்கனவே ஆண்ட்ரியா மார்பக அளவை அதிகரிக்க அறுவை சிகிச்சை செய்து கொண்டுள்ளார்.
ஆண்ட்ரியா தனது தனித்துவமான உடல் தோற்றத்திற்காக ரசிகர்களை சம்பாதித்துள்ளார். ஆனாலும் இன்ஸ்டாகிராமில் இவரது புகைப்படங்களுக்கு நிறைய எதிர்மறையான கருத்துக்கள் குவிகின்றன.
சிலர் அவரை தொடர்ந்து ட்ரோல் செய்து வருகின்றனர். உங்கள் புருவங்களை சரிசெய்யவும், அவற்றை பெரிதாகவும், வெளிப்பாடாகவும் மாற்றவும், உங்கள் உதடுகளின் அளவைக் குறைக்கவும் என்று பயனர்கள் கூறி வருகின்றனர்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
