அறிவை மற்றவர்களுடன் பகிர்ந்து கொள்வதன் மூலம், நாம் புதிதாக ஒன்றைக் கற்றுக்கொள்வதற்கான வாய்ப்புகள் மிக அதிகம். நீங்கள் சந்திக்கும் அனைவரிடமும் "இது உங்களுக்குத் தெரியுமா?!" என்று கேட்பதன் மூலம் பல புதிய உண்மைகளை நீங்கள் பெற முடியும்.
அவற்றுள் சில உண்மைகள் வித்தியாசமானதாகவும், அற்புதமானதாகவும் இருக்கலாம். சில உண்மைகள் முற்றிலும் பயனற்றவையாக கூட இருக்கலாம்.
மைக்ரோவேவில் திராட்சை ஏன் தீப்பிடிக்கிறது? என்பது முதல் சராசரி பாலூட்டி சிறுநீர் கழிக்க எவ்வளவு நேரம் ஆகும்? என்பது வரை பல கேள்விகளுக்கான பதில்கள் உங்களை ஆச்சர்யத்திற்குள்ளாக்கலாம். இங்கே உங்களை ஆச்சரியப்பட வைக்கிற 10 அறிவியல் சார்ந்த உண்மைகளைப் பார்க்கலாம்.
2011 ஆம் ஆண்டில், சிட்னி பல்கலைக்கழகத்தின் இயற்பியலாளர் ஒருவர் மைக்ரோவேவில் ஒரு திராட்சையை வைத்து, அதன் உமிழும் பின்விளைவுகளைப் படம்பிடித்த பிறகு வைரலானார். விஞ்ஞானிகளால் இந்த நிகழ்வை சமீப காலம் வரை விளக்க முடியவில்லை.
தேசிய அறிவியல் அகாடமியின் செயல்முறைகளில் மார்ச் 2019 இல் வெளியிடப்பட்ட ஒரு ஆய்வில், திராட்சை வெப்பமடையும் போது பிளாஸ்மாவை உருவாக்குகின்ற தளர்வான எலக்ட்ரான்கள் மற்றும் அயனிகளின் விளைவாக பழத்தில் ஃபயர் ஏற்படுகிறது என்று தெரிவித்துள்ளது.
இது கொஞ்சம் விசித்திரமாகத் தோன்றலாம். இத்தாலியின் ஸ்பாகெட்டி உணவகத்திற்கான பெயர் ஸ்பாகெட்டோ என்ற வார்த்தையிலிருந்து உருவாகியிருக்கிறது.
அதே போல, கான்ஃபெட்டி பரிசுப் பொருட்கள் கடையின் பெயர் கான்ஃபெட்டோ என்ற வார்த்தையிலிருந்தும், கிராஃபிட்டி உணவகத்தின் பெயர் கிராஃபிட்டி-யிலிருந்தும் வந்திருக்கிறது
McDonald's எப்போதும் தங்களின் வாடிக்கையாளர்களுக்காக புதிய பொருட்களை அறிமுகப்படுத்துவது வழக்கம். அதுபோல குழந்தைகளுக்காக 2014 ஆம் ஆண்டில் துரித உணவு சங்கிலி உருவாக்கிய அவர்களின் பப்பில்கம் சுவை கொண்ட ப்ரோக்கோலி முற்றிலும் தோல்வியடைந்தது.
McDonald's CEO டான் தாம்சன், குழந்தைகள் சுவை உணர்வைக் கண்டுபிடிக்க முடியாமல் குழப்பமடைந்ததை ஒப்புக்கொண்டார்.
கழிப்பறையில் ஒருவர் எடுத்துக்கொள்கிற நேரத்தை யாரும் குறை கூறப் போவதில்லை. ஆனால், ஜார்ஜியா இன்ஸ்டிடியூட் ஆப் டெக்னாலஜியின் ஆராய்ச்சியாளர்கள் இது குறித்து ஒரு ஆய்வை மேற்கொண்டிருக்கிறார்கள்.
ஆறு பவுண்டுகளுக்கு மேல் எடையுள்ள பெரும்பாலான பாலூட்டிகள் சிறுநீர் கழிக்க 21 வினாடிகள் எடுத்துக் கொள்கின்றன என்று கண்டுபிடித்திருக்கிறார்கள். இந்த கால அளவானது சீரான ஓட்டத்தைக் கொண்டிருக்கிற சிறுநீர் குழாய் கொண்டிருக்கிற எல்லாருக்கும் பொருந்தும் என லைவ் சயின்ஸ் இதழ் கூறுகிறது.
சிங்கப்பூர் நகரத்தை சுத்தமாகவும் ஒழுங்காகவும் வைத்திருக்கும் முயற்சியில், பொதுவெளியில் எச்சில் துப்புவதற்கும் சிறுநீர் கழிப்பதற்கும் தடை இருப்பதை நீங்கள் அறிவீர்கள். ஆனால் சிங்கப்பூர் அரசு சூயிங்கத்தை கூட தடைசெய் செய்துள்ளதை அறிவீர்களா?
இந்த தடை 1992 இல் நிறுவப்பட்டது. 2004 ஆம் அண்டு, பல் அல்லது நிகோடின் ஈறுகளுக்கான சிகிச்சைக்காக சுயிங்கம் பயன்படுத்தலாம் என்று விதிவிலக்கு அளிக்கப்பட்டது.
1939 ஆம் ஆண்டில், அமெரிக்க எழுத்தாளர் எர்னஸ்ட் வின்சென்ட் ரைட் காட்ஸ்பி நாவலை வெளியிட்டார். 50,000 வார்த்தைகள் கொண்ட அந்த நாவல் ‘E’ என்ற எழுத்தை ஒருமுறை பயன்படுத்தவில்லை.
எழுத்தாளர் ஜார்ஜஸ் பெரெக் 1969 இல் 'E' என்ற எழுத்து இல்லாமல் La Disparition என்ற பிரெஞ்சு மொழி புத்தகத்தையும் எழுதினார். ஆங்கில மற்றும் பிரஞ்சு மொழியில் ‘E’ என்பது பொதுவாகப் பயன்படுத்தப்படும் எழுத்து என்கிற உண்மையை நீங்கள் தெரிந்து கொள்ளும் போது அது இன்னும் ஆச்சரியப்படுத்தும்.
உலகின் நீளமான பெயர் கொண்ட ஊர் எது தெரியுமா? நியூசிலாந்தில் உள்ள Taumatawhakatangihangakoauauautamateaturipukakapikimaungahoronukupokaiwhenuakitanatahu ஊர்தான் அது. இந்த ஊரின் பெயரில் மொத்தம் 85 எழுத்துக்கள் உள்ளன.
அடுத்ததாக, வேல்ஸில் உள்ள Llanfairpwllgwyngyllgogerychwyrndrobwlllantysiliogogogoch ஊரும், அமெரிக்காவில் உள்ள Chargoggagoggmanchauggagoggchaubunagungamaugg ஊரும், தென் உள்ள ஆப்பிரிக்காவில் Tweebuffelsmeteenskoetmorsdoodge ஊரும் 2,3,4 இடங்களைப் பிடித்துள்ளது.
300 மில்லியன் ஆண்டுகளுக்கு முன்பு, பூமியில் இதுவரை அறியப்பட்ட மிகப்பெரிய பறக்கும் பூச்சியாக Meganeura தன்னை நிலைநிறுத்திக் கொண்டது.
தட்டான் போன்று காணப்பட்ட அந்த உயிரினம் சுமார் 2.5 அடி நீளமுள்ள இறக்கைகளைக் கொண்டிருந்தது. தவளைகள் மற்றும் பல்லிகள் போன்ற இரையை வேட்டையாடும் அளவுக்கு அவை பெரியதாக இருந்தன.
ஷேக்ஸ்பியர் உலகம் முழுக்க உள்ள பலருக்கும் மிகவும் பிரியமான சில இலக்கியங்களை எழுதினார். அவரது நாடகங்களையும் கவிதைகளையும் வடிவமைப்பதற்காக, அவர் சில சமயங்களில் சொந்தமாக வார்த்தைகளை உருவாக்கினார்.
moonbeam, laughable, eyeball, bump, puking, champion, bedroom, excitement மற்றும் zany உட்பட 1,700க்கும் மேற்பட்ட வார்த்தைகளை அவர் உருவாக்கியிருக்கிறார்.
வெப்பத்திற்கு உட்படும்போது போது இரால் ஓடுகள் நிறத்தை மாற்றுகின்றன என்பதை நம்மில் பெரும்பாலோர் நன்கு அறிவோம். (உதாரணமாக, கொதிக்கும் நீருள்ள ஒரு பானையில் இரால் உள்ளதைப் போல).
ஆனால் கடல் உயிரினங்களின் இரத்தமும் புதிரானது. இரால் இரத்தம் ஆரம்பத்தில் தெளிவாக இருக்கும், அதே நேரம் ஆக்ஸிஜன் அதோடு சேரும்போது போது நீல நிறமாக மாறி விடுகிறது.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust
