உலக நாயகன் கமல்ஹாசன் நடிப்பில் தயாராகிவரும் இந்தியன் 2 திரைப்படத்தின் போஸ்டர் சமீபத்தில் வெளியானது.
இத்திரைப்படத்தின் முதல் பாகத்தை இயக்கிய இயக்குநர் சங்கர் தான் இதையும் இயக்குகிறார். கடந்த 1996ல் இந்தியன் முதல் பாகம் வெளியானது. அப்பா மகன் என இரட்டை வேடத்தில் கமல்ஹாசன், பிரபல மலையாள நடிகர் நெடுமுடி வேணு, சுகன்யா, கஸ்தூரி, மனிஷா கொய்ராலா, கவுண்டமணி, செந்தில் ஆகியோர் முக்கிய கதாபாத்திரங்களில் நடித்திருந்தனர்.
சுதந்திர போராட்ட வீரரான அப்பா கமல், தன் மகளுக்கு நிகழ்ந்த அநியாயத்திற்குப் பிறகு, நாட்டில் குற்றச்செயல் புரிபவர்களைத் தேடி கொலை செய்ய துவங்குகிறார். மேலும் இவர் தீவிர தேசப்பற்று கொண்டவர். இவருக்கு மனைவி சுகன்யாவும் துணை. தானும், தன் மனைவியும் போராடி வென்ற சுதந்திரத்திற்குக் களங்கம் விளைவிப்போர் பட்டியலில் தான் பெற்ற மகனும் இருக்கிறான் என தெரியவந்த பிறகு, சற்றும் தயங்காமல், அவரையும் கொலை செய்துவிடுவார் இந்தியன் தாத்தா.
இந்தியன் தாத்தா என்ற பெயரில், கொலை செய்துவரும் இவரைத் தேடிவரும் போலீஸ் அதிகாரியாக நெடுமுடி வேணு நடித்திருபார். விமர்சகர்கள், ரசிகர்கள் இருவர் மத்தியிலும் திரைப்படம் நல்ல வரவேற்பு பெற்றிருந்தது.
1996 ஆம் ஆண்டிற்கான ஆஸ்கார் விருதுக்குச் சிறந்த வெளிநாட்டு மொழி திரைப்படம் பட்டியலில் இந்தியன் திரைப்படம் பரிந்துரைக்கப்பட்டது. ஆனால் தேர்வாகவில்லை. மூன்று தேசிய விருதுகளை இந்தியன் 1 வென்றிருந்தது. சிறந்த நடிகராகக் கமல்ஹாசன் தேசிய விருதினை பெற்றார். இது தவிர இந்தியன் திரைப்படம் இரண்டு தமிழ்நாடு மாநில விருதுகள், இரண்டு ஃபிலிம்ஃபேர் விருதுகளும் பெற்றது.
சுமார் 26 வருடங்களுக்குப் பிறகு இதன் இரண்டாம் பாகம் வெளியாகவுள்ள நிலையில், இந்தியன் திரைப்படத்தின் முதல் பாகத்தின் சில போஸ்டர்கள் வெளியாகி, ரசிகர்களை வெகுவாக கவர்ந்து வருகிறது.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust