தும்மல் என்பது நுரையீரலில் இருந்து மூக்கு வழியாக காற்றை வெளியேற்றும் ஒரு செயல்முறையாகும்.

பொதுவாக தும்மல் வரும் போது கண்களை மூடிகொள்வோம். கண்களைத் திறக்க முயற்சித்தாலும், அது முடியாது. என்ன காரணம் என்று என்றாவது யோசித்து பார்த்திருகிறீர்களா? தும்மல் என்பது முழு உடலையும் அசைக்கக்கூடிய ஒரு செயல்முறையாகும்.

ஆனால் உங்கள் கண்களைத் திறந்து தும்முவது சாத்தியமா? கண்களைத் திறந்து தும்ம முடியாது என்ற எண்ணம் கட்டுக்கதையா அல்லது உண்மையா என்பதை இங்கே தெரிந்து கொள்ளலாம்.

ஒவ்வாமை, திடீர் வெப்பநிலை மாற்றங்கள், குளிர் காலநிலை மற்றும் மாசுபாடு ஆகியவை தும்மலின் பொதுவான தூண்டுதல்களாகும்.

தும்மல் 200 மைல் வேகத்தில் இருந்ததாக முந்தைய மதிப்பீடுகள் கூறுகிறது.

சமீப காலங்களில், தும்மலின் சக்தி முன்பை விட மிகக் குறைவாக இருப்பதாகக் கணக்கிடப்பட்டுள்ளது.

சில ஆய்வுகள் அதை 10 மைல்களுக்கு மேல் இல்லை என்று கூறுகின்றன.

தும்மும்போது உங்கள் கண்கள் ஏன் மூடுகின்றன?

தும்மலின் போது கண்கள் ஏன் தானாக மூடிக் கொள்கின்றன என்பது யாருக்கும் தெரியாது. வெளியிடப்படும் அசுத்தங்களிலிருந்து கண்களைப் பாதுகாக்க இது நிகழ்கிறது என்று விஞ்ஞானிகள் நம்புகின்றனர்.

தும்மல் கண்களைச் சுற்றியுள்ள தசைகள் உட்பட பல தசைகளை உள்ளடக்கியிருப்பதால், முகத்தின் தன்னிச்சையான தசைச் சுருக்கங்கள் காரணமாகவும் இது நடக்கிறது.

அதனால் அவை சுருங்கும்போது, ​​கண் இமைகளும் மூடப்படுகிறது.

கண்களைத் திறந்து கொண்டு தும்ம முடியுமா?

கண்களைத் திறந்த நிலையில் தும்ம முடியும். ஆனால் இதற்கு கூடுதல் முயற்சி தேவைப்படுகிறது.

நிமிடத்திற்கு 15-20 முறை கண் சிமிட்டுவதை கருத்தில் கொண்டால்,கண் இமை தசைகள் உடலில் உள்ள வலிமையான தசைகளில் ஒன்றாகும்.

தும்மல் போன்ற செயல்பாட்டின் போது, கண் இமைகளைத் திறந்து வைப்பது சவாலான ஒன்றாகும். இதற்கு எதிராக மருத்துவர்கள் எச்சரிக்கின்றனர்.

பல யூடியூபர்கள் மற்றும் ஆராய்ச்சியாளர்கள் தங்கள் கண் இமைகளை கைகளால் திறந்து வைத்திருப்பதன் மூலம் இதனை சாத்தியமாக்குகின்றனர்.

ஆனால் அப்படி இயல்பாக இருப்பதற்கு மாறாக கண்களை திறந்து கொண்டு தும்முவதன் மூலம் என்ன பயன் இருக்கிறது?

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust