மகா சிவராத்திரி அன்று இரவு முழுவதும் கண் விழித்து சிவபெருமானை வழிபடுவதன் மூலம் சிவனின் அனுகிரகத்தைப் பெறலாம் என்கிறது இந்துமதம்.

இந்த நாளின் சிறப்புகள் குறித்து திருவிளையாடல் புராணம், கருட புராணம், கந்த புராணம், பத்ம புராணம், அக்னி புராணம் உள்ளிட்ட பல்வேறு நூல்களிலும் குறிப்பிடப்பட்டுள்ளது.

மகா சிவராத்திரியில் எப்படி பூஜை செய்து கொண்டாட வேண்டும்? என்பது குறித்து இங்கு பார்க்கலாம்.

மகா சிவராத்திரி தேதி எப்போது?

2023 ஆம் ஆண்டில், பிப்ரவரி 18 ஆம் தேதி மகா சிவராத்திரி அனுசரிக்கப்படுகிறது.

இந்த ஆண்டு சனி பிரதோஷ விரதமும் மகாசிவராத்திரியின் அதே நேரத்தில் வருகிறது. சனிப் பிரதோஷ விரதத்தை கடைப்பிடிப்பவர்களுக்கு சிவபெருமான் மகன் பாக்கியத்தை வழங்குகிறார்.

மகா சிவராத்திரி நேரம்

இந்த ஆண்டு, பிப்ரவரி 18 சனிக்கிழமை இரவு 08.02 மணிக்கு தொடங்குகிறது. மறுநாள் பிப்ரவரி 19, ஞாயிறு, மாலை 04:18 மணிக்கு முடிவடையும்.

மகா சிவராத்திரி பூஜை

மகா சிவராத்திரி முகூர்த்தம் நாள் முழுவதும் இருக்கும். நாள் முழுவதும், பலர் தங்கள் பிரார்த்தனைகளில் ஈடுபடுவார்கள்.

சிவபெருமானை எப்போது வேண்டுமானாலும் வழிபடலாம். மகா சிவராத்திரி அன்று, நிஷித கால பூஜைக்கான நேரம் இரவு 12:09 மணிக்கு தொடங்கி, நள்ளிரவு 01:00 மணி வரை நீடிக்கும்.

மகா சிவராத்திரி விரத நேரம்

பிப்ரவரி 18 ஆம் தேதி மகா சிவராத்திரி விரதத்தைத் தொடங்குபவர்கள் மறுநாள் பிப்ரவரி 19 ஆம் தேதி அதை முடிப்பார்கள். பிப்ரவரி 19 ஆம் தேதி மகா சிவராத்திரி பாரணம் காலை 06.59 மணிக்கு தொடங்கி மதியம் 03.24 மணிக்குள் எந்த நேரத்திலும் முடிக்கலாம்.

மஹா சிவராத்திரி புத்திர பிராப்தி யோகம்

இந்த ஆண்டு பிரதோஷ விரதமும் மகாசிவராத்திரியும் ஒரே நேரத்தில் வருகிறது.

பிரதோஷ விரதம் இம்முறை சனிக்கிழமையில் வருவதால், இது சனி பிரதோஷம் என்றும் அழைக்கப்படுகிறது. இந்த நாளில், விரதம் இருப்பவர்களுக்கு, சிவபெருமான் ஆண் குழந்தை பாக்கியத்தை வழங்குவதாக நம்பப்படுகிறது.

மகா சிவராத்திரி முக்கியத்துவம்

மகா சிவராத்திரி அன்று, சிவபெருமானையும் பார்வதி தேவியையும் வழிபடுபவர்கள் தங்கள் திருமண பிரச்னைகளில் இருந்து விடுபடுவார்கள் என்பது நம்பிக்கை.

கூடுதலாக, இந்த ஜென்மம் மற்றும் கடந்தகால வாழ்க்கையிலிருந்து உங்கள் பாவங்களுக்கு பரிகாரம் செய்ய விரும்பினால், மகா சிவராத்திரி விரதம் மங்களகரமானதாக கருதப்படுகிறது.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust