3 போட்டிகள் கொண்ட டி20 மற்றும் ஒரு நாள் போட்டிகளில் பங்கேற்க இந்தியா வந்துள்ளது தென் ஆப்ரிக்கா அணி. நேற்று திருவனந்தபுரத்தில் நடைபெற்ற முதல் டி20 போட்டியில், 8 விக்கெட் வித்தியாசத்தில் தென் ஆப்ரிக்காவை வீழ்த்தியது இந்தியா. 

டாஸ் வென்ற இந்திய அணி கேப்டன் ரோஹித் சர்மா முதலில் பவுலிங் தேர்வு செய்தார். களமிறங்கிய தென் ஆஃப்ரிக்க வீரர்களுக்கு துவக்கத்திலிருந்தே துரதிர்ஷ்டம் துரத்தியது. சாஹரின் முதல் ஓவரில்  கேப்டன் பவுமா ஆட்டமிழந்தார்.  அடுத்த ஒரே ஒவரில் மூன்று பேரை வந்த வேகத்தில்  பெவிலியனுக்கு அனுப்பினார் அர்ஷதீப் சிங். 

ஒரு கட்டத்தில் 9 ரன்களுக்கு 5 விக்கெட்களை இழந்து கவலைக்கிடமாக இருந்த தென் ஆஃப்ரிக்க அணிக்கு மார்க்ரம் வந்தார். ஆனால், அவரும் 25 ரன்களில் ஆட்டமிழந்து வெளியேறினார். அதிகபட்சமாகப் பந்துவீச்சாளர்  கேஷவ் மஹாராஜ் 41 ரன்கள் எடுத்ததில், 20 ஓவர் முடிவில் 8  விக்கெட்கள் இழந்து தென் ஆப்ரிக்கா 106 ரன்கள் எடுத்திருந்தது. 

107 ரன்களை எடுத்தால் வெற்றி என களமிறங்கியது  இந்திய அணி. குறைந்த இலக்கே என்றாலும், இறுகப் பிடித்தனர்  தென் ஆஃப்ரிக்க பவுலர்கள். கேப்டன் ரோஹித் 0 ரன்னுக்கும், கோலி 3 ரன்கள் எடுத்து ஆட்டமிழந்தனர். பின்னர் இணைந்த ராகுல் - சூர்யகுமார் யாதவ் ஜோடி சிறப்பான ஆட்டத்தை வெளிப்படுத்தி 16.4 ஒவர்களில் 110 ரன் எடுத்து அணியை வெற்றிபெற செய்தனர். ராகுல், சூர்யகுமார் முறையே 51, 50 ரன்கள் எடுத்திருந்தனர். 

இந்த வெற்றியின் மூலம் 1-0 என்ற கணக்கில் இந்திய அணி முன்னிலையில் இருக்கிறது. நேற்றைய ஆட்டத்தின் வெற்றியின் மூலம் ஓர் ஆண்டில் அதிக சர்வதேச டி20 போட்டிகளை வென்ற இந்திய கேப்டன் பட்டியலில் தோனியை  ரோஹித் சர்மா பின்னுக்கு தள்ளியுள்ளது குறிப்பிடத்தக்கது 

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust