விஜய் ஹசாரே கோப்பைத் தொடரில் ஒரே ஓவரில் 7 சிக்சர்கள் அடித்து சாதனைப் படைத்துள்ளார் மகராஷ்டிரா அணி வீரர் ருதுராஜ் ஜெய்க்வாட்.

இந்தியாவில் உள்ளூர் ஒருநாள் போட்டித் தொடரான விஜய் ஹசாரே கோப்பை தொடர் நடைபெற்று வருகிறது. இதில் உத்தரபிரதேசம் மற்றும் மகாராஷ்டிரா அணிகள் இன்று மோதின.

இந்த போட்டியில் சிறப்பாக ஆடிய ருதுராஜ் கூடுதலாக வீசப்பட்ட நோபால் (Noball) பந்தையும் சேர்த்து 7 சிக்சர்களை அடித்துள்ளார்.

இந்த ஓவரை உத்தரபிரதேசம் அணி வீரர் ஷிவா சிங் வீசினார். இந்த ஒரு ஓவரில் மட்டும் மகாராஷ்டிரா அணிக்கு 43 ரன்கள் கிடைத்திருக்கிறது.

இந்த போட்டியில் மகாராஷ்டிரா அணி 330 ரன்கள் குவித்தது. இதில் 220 ரன்களை அடித்திருக்கிறார் ருதுராஜ். இதற்காக 159 பந்துகள் மட்டுமே அவர் செலவழித்திருக்கிறார்.

மகாராஷ்டிரா அணியின் 49வது ஒவரில் இந்த சாதனையை நிகழ்த்தி ஒரு கேப்டனாக அணியின் வீரர்களையும் ரசிகர்களையும் சர்பிரைஸ் செய்திருக்கிறார் ருதுராஜ்.

இதன் மூலம் முதல் தர கிரிக்கெட்டில் ஒரே ஓவரில் அதிக ரன்கள் குவித்தவர் என்ற சாதனையையும் படைத்திருக்கிறார்.

கடந்த ஐபிஎல் போட்டிகளில் சி.எஸ்.கேவுக்காக ஆடிய ருதுராஜ் அப்போதே ரசிகர்களின் பேராதரவைப் பெற்றிருந்தது குறிப்பிடத்தக்கது.

ருதுராஜ் தோனியால் உருவாக்கப்பட்டவர் என்பது தான் அவர் சாதிக்க காரணம் என்று தோனி ரசிகர்களும் அவருக்கு புகழாரம் சூட்டுகின்றனர்.

முன்னதாக இந்த தொடரில் தமிழக வீரர் நாராயண் ஜெகதீசன் இரட்டை சதமடித்து சாதனை படைத்திருந்தது குறிப்பிடத்தக்கது.

முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.

Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.

Pls send your Valuable feedbacks to : feedback@newssensetn.com

Follow us on:

Newssensetn : https://www.facebook.com/FullyNewsy

Nalam 360 : https://www.facebook.com/Nalam360

Newsnow: https://www.facebook.com/GenZSense

TamilFlashnews: https://www.facebook.com/tamilflashnewsapp

Hangout : https://www.facebook.com/TamilWanderlust