பழமையான கோயில்கள், அமைதியான கடற்கரைகள், சுவையான உணவுகள் என பல விஷயங்கள் சென்னையில் அனுபவிக்க இருக்கிறது.
எந்த வகையான பயணிகளையும் சென்னை கவர்ந்திழுக்கும் இடமாக உள்ளது.
சென்னையில் மட்டுமில்லாமல் அங்கு இருந்து அற்புதமான சாலைப் பயணங்களையும் அனுபவிக்கலாம். நீங்கள் ஆர்வமாக இருந்தால், உங்கள் வரவிருக்கும் வார இறுதியில், சென்னையில் இருந்து பயணிக்கக்கூடிய சில இடங்களை உங்களுக்காக தொகுத்துள்ளோம்.
சென்னையில் இருந்து 75 கிமீ தொலைவில் அமைந்துள்ள காஞ்சிபுரம் நீண்ட சாலைப் பயணத்திற்கு ஏற்ற இடமாகும். சென்னையிலிருந்து காஞ்சிபுரத்தை அடைய இரண்டு மணி நேரம் ஆகும்.
சிறந்த கட்டிடக்கலையுடன் கூடிய அழகான கோவில்களின் தாயகமாக இருக்கும் இந்த இடம், புகழ்பெற்ற கையால் நெய்யப்பட்ட பட்டுப் புடவைகளால் பிரபலமடைந்து வருகிறது.
இது புகழ்பெற்ற புனித ஸ்தலங்களில் ஒன்றாகவும், இந்தியாவின் பழமையான நகரங்களில் ஒன்றாகவும் கருதப்படுகிறது. காமாட்சி அம்மன் கோயில், தேவராஜசுவாமி கோயில் மற்றும் ஏகாம்பரேஸ்வரர் கோயில் ஆகியவை கட்டாயம் பார்க்க வேண்டிய சில கோயில்கள்.
சென்னையிலிருந்து 133 கிமீ தொலைவில் அமைந்துள்ள திருப்பதிக்கு ஒரு நாள் சாலைப் பயணமாகச் செல்லுங்கள், அங்கு சென்றடைய 3-4 மணிநேரம் ஆகும். திருப்பதியில் பல்வேறு இந்து கோவில்கள், தேசிய பூங்காக்கள் மற்றும் அருங்காட்சியகங்கள் உள்ளன.
இந்த கோயில் நகரம் உலகம் முழுவதிலுமிருந்து வரும் பார்வையாளர்களை ஈர்க்கிறது. இது இந்தியாவின் முதன்மையான சுற்றுலாத்தலங்களில் ஒன்றாகும். ஸ்ரீ வாரி அருங்காட்சியகம், கல்யாணி அணை போன்றவை திருப்பதியில் பார்க்க வேண்டிய முக்கிய இடங்கள்.
மாமல்லபுரம் என்றும் அழைக்கப்படும் மகாபலிபுரம், வங்காள விரிகுடாவின் கோரமண்டல் கடற்கரையில் அமைந்துள்ளது. இது வேடிக்கை நிறைந்த சாலைப் பயணத்திற்கு ஏற்ற இடமாகும்.
இந்த இடம் பாறையால் வெட்டப்பட்ட கோயில்கள், மர்மமான குகைகளுக்கு பிரபலமானது. ஒரு காலத்தில் புகழ்பெற்ற அரக்கர் மன்னன் மகாபலியின் இல்லமாக இருந்ததால், மாமல்லபுரம் என்று பெயர் மாற்றப்பட்டதாகவும் கூறப்படுகிறது. சென்னையிலிருந்து 53 கிமீ தொலைவில் அமைந்துள்ள மகாபலிபுரத்தை உங்கள் வீக்கெண்ட் லிஸ்டில் சேர்த்துகொள்ளுங்கள்.
சென்னைக்கு அருகில் உள்ள புகழ்பெற்ற மலை வாசஸ்தலமான ஏலகிரிக்கு சாலைப் பயணத்தை மேற்கொள்ளுங்கள். இந்த மலைவாசஸ்தலம் பசுமையாலும் , இயற்கையின் அதிசயங்களாலும் சூழப்பட்டுள்ளது. இங்குள்ள வானிலை உங்களை இதமாக உணர வைக்கும்.
சுவாமிமலை மலை, புங்கனூர் ஏரி ஆகியவை இந்த மலை வாசஸ்தலத்தின் முக்கிய இடங்களாகும். சென்னையில் இருந்து 230 கிமீ தொலைவில் அமைந்துள்ள ஏலகிரிக்கு சாலைப் பயணத்தை மேற்கொள்ள கொஞ்சம் நேரம் ஒதுக்குங்கள்.
இயற்கை புகைப்படக் கலைஞர்கள் மற்றும் பறவை ஆர்வலர்களுக்கான சிறந்த நகரம் நெல்லூர். பழங்கால கோவில்கள், பழமையான ஏரிகள், அழகான கடற்கரைகள் மற்றும் கைவினைப் பொருட்கள் நிறைந்த இந்த அமைதியான நகரத்திற்கு சாலைப் பயணம் மேற்கொள்ளலாம்.
இங்கு ஃபிளமிங்கோ போன்ற புலம்பெயர்ந்த பறவைகளை கண்டுகளிக்கலாம். நெல்லூரில் உள்ள புகழ்பெற்ற இடங்களான புலிக்காட் ஏரி, மைபாடு கடற்கரை மற்றும் சோமசிலா போன்ற இடங்களை தவறவிடாதீர்கள்.
ஒரு காலத்தில் புகழ்பெற்ற டேனிஷ் காலனியாக இருந்த இந்த நகரம், சென்னையில் இருந்து 273 கி.மீ தொலைவில் அமைந்துள்ளது. இந்த நகரத்தை சுற்றி பாரம்பரிய வீடுகள் மற்றும் அழகான தேவாலயங்கள் உள்ளன.
2004 சுனாமியில் உயிரிழந்த மக்களின் நினைவாக ஏராளமான சிறிய அருங்காட்சியகங்கள் கட்டப்பட்டுள்ளன. இந்தியாவின் முதல் அச்சகங்களுக்கு உறைவிடமாக விளங்கும் கோல்ட்ஸ்மித் தெரு போன்ற பல சுவாரஸ்யமான பகுதிகளை இந்த நகரம் கொண்டுள்ளது.
டேனிஷ், பிரிட்டிஷ், பிரஞ்சு மற்றும் ஜெர்மன் உள்ளிட்ட பல்வேறு கலாச்சாரங்களின் கலவையை இங்கு காணலாம்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust