உலகின் மிகப் பெரிய பணக்காரரான எலான் மஸ்க், சமீபத்தில் ட்விட்டர் நிறுவனத்தை வாங்கினார். ஏற்கெனவே இவர் டெஸ்லா, போரிங் கம்பனி, ஸ்பேஸ் எக்ஸ், நியூரா லின்க், ஓபன் ஏஐ உள்ளிட்ட நிறுவனங்களை நடத்தி வருகிறார் என்பது குறிப்பிடத்தக்கது.
ட்விட்டரின் தலைவராக இவர் பொறுப்பேற்றது முதல் பல விதமான சர்ச்சைகளை சந்தித்து வருகிறார். சில பிரச்னைகளை அவரே உருவாக்கி வைத்துள்ளார்.
இப்போது எலான் மஸ்க் செய்த விசித்திரமான ட்வீட் இணையத்தில் வைரலாகி வருகிறது
டிம் அர்பன் என்ற எழுத்தாளர் நீங்கள் கேள்விப்பட்டதிலேயே விசித்திரமான ஆனால் உண்மையாக இருக்க வாய்ப்பு இருக்கக் கூடிய சூழ்ச்சிக் கோட்பாடு என்ன? என்று ட்விட்டரில் கேள்வி எழுப்பியிருந்தார்.
இந்த சுவாரஸ்யமான கேள்விக்கு பல பதில்கள் குவிந்தன. அதில் தன்னைப் பற்றித் தானே ஒரு சூழ்ச்சிக் கோட்பாட்டினைக் கூறினார் எலான் மஸ்க்.
"நான் ஒரு ஏலியன். என் சொந்த கிரகத்துக்கு திரும்பி செல்ல முயன்று வருகிறேன்" என்று கூறியிருந்தார் மஸ்க்.
இதற்கு பதிலளித்த டிம், "நீங்கள் இதனை பொதுவெளியில் பகிரங்கமாக ஒப்புக்கொள்ள மாட்டீர்கள் என நினைத்தேன்" என்று கூறியுள்ளார்.
மீண்டும் எலான் மஸ்க்,
"அதை ஒப்புக்கொள்வதா இல்லை மறுப்பதா எனத் தெரியவில்லை.
ஆனால் நான் வேற்றுகிரக வாசி என்பது உறுதி
நான் வேற்றுகிரக வாசி" என்று பதிலளித்தார்.
எலான் மஸ்க் தன்னைத் தானே ஏலியன் என்று கூறிக்கொள்வது இது முதல்முறையில்லை. 2018ம் ஆண்டு நான் ஒரு ஏலியன் என்று ட்விட்டரில் பதிவிட்டார். நீங்கள் எங்கிருந்து வந்திருக்கிறீர்கள் என்ற கேள்விக்கு, எதிர்காலத்திலிருந்து என்று பதிலளித்தார்.
எலான் மஸ்கின் ஏலியன் பதிவுக்கு நெட்டிசன்கள் பலவிதமாக ரியாக்ட் செய்து வருகின்றனர்.
இப்போது இணைய உலகில் முக்கியமான பேச்சு பொருளாக இருந்து வருகிறார் மஸ்க். நேற்று இந்தியர்கள் பலரை வேலையிலிருந்து நீக்கியிருந்தார்.
அதிகப்படியான பணியாளர்களால் நிறுவனம் ஒவ்வொரு நாளும் 4 மில்லியன் டாலர்கள் நஷ்டத்தை சந்திப்பதாகவும், வெளியேறுபவர்களுக்கு 3 மாதத்துகான தொகை வழங்கப்படும் எனவும் கூறியுள்ளார்.
முக்கியச் செய்திகள் மற்றும் புதிய செய்திகளுக்கு NewsSense ஃபேஸ்புக் பக்கத்தை பின் தொடருங்கள்.
Google Newsஇல் NewsSense தளத்தை பின் தொடர இங்கே க்ளிக் செய்யுங்கள்.
Pls send your Valuable feedbacks to : feedback@newssensetn.com
Follow us on:
Newssensetn : https://www.facebook.com/FullyNewsy
Nalam 360 : https://www.facebook.com/Nalam360
Newsnow: https://www.facebook.com/GenZSense
TamilFlashnews: https://www.facebook.com/tamilflashnewsapp
Hangout : https://www.facebook.com/TamilWanderlust